Aipatutako artikuluak dio salmenta merkataritza establezimenduetan egin behar dela, salbuespenak salbuespen, baina horien artean ez dago ibilgailuen salmentarena. Beraz, merkataritza-jarduera dela ulertuko du Udalak honako baldintza hauek ematen direnean: ibilgailuak toki berean edo inguruetan epe luzean aparkatuta daudenean, saltzeko txartelak dituztenean eta saltzailearekin harremanetan jartzeko telefono zenbakia edo beste modu bat agerian dagoenean. Baita aparkatuta dagoen kalea saltzailearen erroldako edo lanpostuko helbidearekin bat ez datorrenean eta ibilgailua, antzeko ezaugarriekin, aurretik Getxo udalerriko beste alde batean aparkatuta egon denean ere. Gaur egun, udalerrian 55 bat ibilgailu izan daitezkeela egoera horretan susmatzen du Udalak.
Hala ere, ez dute autoa eramango garabiak hartzera doan unean jabea bertan izan eta, udaltzainek eskatuta, mugitzea onartzen baldin badu.
"Gutxi batzuen erabilerarako, aparkatzeko toki publikoak blokeatzen dituen baimenik gabeko jarduera dela ulertuta hartu ditu aipatutako neurriak Getxoko Udalak. Batez ere, Arriluzeko ibilbidean, Erromoko Gobelaurre kalean, Bidezabalen eta Makaletako etorbidean gertatzen da. Gainera, denbora gutxirako aparkatzeko tokia bilatzen dutenentzako kalte nabarmena da, gainontzeko gidarientzako hiri-lurraren erabilera zuzena bermatu ezin delarik", Imanol Landa Presidentzia arloko zinegotziak azaldutakoaren arabera.
Salduak izateko kalean aparkatutako kotxeak eramango ditu garabiak
2004ko uzt. 15a, 21:49
Getxoko Udalak ibilgailuen salmentarako egiten den kaleen gehiegizko erabilera ekiditeko neurriak hartuko ditu. Horrela, salduak izateko kalean dauden kotxeak bertatik kendu eta Herritarrentzako Segurtasunerako udal gordailura eramango dituzte. Aldi berean, Merkataritza-Jarduerari dagokionez, EAEko maiatzaren 27ko 7/1994ko Legeak ezarritakoa ez errespetatzeagatik espedientea zabalduko diote ibilgailuaren jabeari eta zigorra 1.502 eurokoa izatera hel daiteke. "Neurriak hartuko dituen lehen udalerria da Getxo. Ekimen honekin okupatutako guneak libre utzi nahi ditu Udalak, getxoztarrek zein herrira autoz etortzen direnek erabili ahal ditzaten", adierazi gaurko prentsaurrekoan Imanol Landa Presidentzia zinegotziak. Berak zehaztu duenez, "argi utzi behar da ez dela herritarren kontra joango, bere autoa kalean kartelak ipiniz saldu ahal izango duelako, baizik eta ibilgailuen salmentaren merkataritza-jardueraren kontra".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun