Besteak beste, Santa Mariñe baselizara abiatuko dira udaletxetik 10:00ak aldera. Bertan meza egongo da 11:00etatik aurrera. Ordu t'erdi beranduago, berriz, Ansoleagako parke berria inauguratuko dute, ohorezko aurreskuaren ostean.
Ospakizunarekin jarraitzeko, euskal dantza ikuskizuna egongo da 12:00etatik aurrera, eta ondoren, luncha. Amaitzeko, bazkaria egingo dute Gardoki jatetxean, 14:30ean.
Astelehenean udalbatzarra
Beste alde batetik, 19:30etik aurrera, ohiko osoko bilkura egingo da Sopelako udaletxean, uztailaren 19an. Besteak beste, ekainaren 18an, Sestaoko Naval ontziolako egoeraren gainean, EAJ, EA, Ezker Batua, PP eta PSE-EE alderdiek Eusko Legebiltzarrean adostutakoa bozkatuko dute bertan. Baita "Kzgunea"rekin dagoen lankidetza hitzarmenaren berristapena ere.
Udal gobernuen 25. urteurrena ospatuko du asteartean Sopelako Udalak
2004ko uzt. 16a, 19:32
Sopelako Udaleko iturriek jakinarazi dutenez, herrian udal gobernu "demokratikoak" daudenetik 25 urte betetzen direla ospatuko dute uztailaren 20an, hau da, Santa Mariñe egunean. Egun horretan egingo den ekitaldira, 1979tik gaur egunera egondako agintaldi guztietako zinegotziak gonbidatuta daude.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun