Aurten, Algortako Itxartu taldeak emango dio hasiera jaialdiari Euskal Herriko tradiziozko koreografien eskutik eta, biharamunean, Wielkopolska eskualdeko folklorearen adierazlea den Lany taldea -Poznango (Polonia) Nekazaritza Unibertsitateko Dantza Taldea- arituko da.
Azken egunean, amaiera bikaina emango dio jaialdiari Sviesa Vilniuseko Pedagogia Unibertsitateko Kantu eta Dantza talde lituaniarrak, bere herriko eslaviar tradiziozko dantza eta kantuak erakutsiz.
Modu honetan, jaialdia aukera ezin hobea izango da herrialde ezberdinen ohituretara gerturatzeko, elkarrengandik urrun dauden lurraldeak nolabait batuz. Emanaldiak gaueko 22:00etan hasiko dira, Biotz Alai Plazan, eta sarrerak dohainik izango dira.
Getxoko Nazioarteko Folklore Jaialdiak Euskal Herria, Polonia eta Lituaniako taldeak ekarriko ditu
(Argazkian, Itxartu taldea)Getxoko Nazioarteko Folklore Jaialdiaren XX. edizioa ospatuko da uztailaren 21etik 23ra bitartean, Algortako Biotz Alai Plazan. Aurtengoan, Euskal Herriko, Poloniako eta Lituaniako taldeak bilduko ditu jaialdiak. Herri ezberdinen ohiturak ezagutzea "ezinbestekotzat" jotzen dute antolatzaileek, beren nortasuna ulertu ahal izateko. Horrela, Getxoko Nazioarteko Folklore Jaialdia ezezagunak diren musika, dantza, jantzi eta ohituretara hurbiltzeko aukera aparta da. Hiru gauetan zehar, musika eta dantza horrenbeste ikuskizun eskainiko ditu jaialdiak. Hiru lurralde desberdinetatik etorritako taldeak arituko dira aurten: Algortako Itxartu taldea, Poloniako Lany eta Lituaniako Sviesa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun