Atzo Marisa Arrue Getxoko PPko bozeramaleak adierazi zuenez, txirrindulari lasterketarako oinezkoen pasabideak leuntzeko, "behin baino gehiagotan erabiliak izan zitezkeen arrapala mugikorrak" jartzea eskatu zioten Iñaki Zarraoa alkateari. "Hala ere, ez ziguten kasurik egin, eta aurten ere 29 mila euro gastatuko dituzte zementuzkoak jartzeko. Beste sistema bat erabili beharko lukete, urtetik urtera horrenbeste diru ez xahutzeko", azaldu du zinegotzi popularrak.
Ildo berean, "eguneko zentroetarako edota gizarterako ardura handiagoa daukaten gauzetarako, dirurik ez dagoelako kexatzea" egotzi dio udal gobernuari Arruek. Bere hitzetan, "irtenbide errazagoa duen gai honetan dirua botaka dabiltza". Azkenik, "Zarraoa auzotarren diruerekin kontu handiagoarekin ibili behar dela konturatzea" espero dutela gaineratu du.
San Inaziotako txirrindulari lasterketarako oinezkoen pasabideetan egingo diren obrengatik, dirua "xahutzea" egotzi dio Udalari Getxoko PPk
Uztailaren 31an San Inaziotako 59. txirrindularitza zirkuito profesionala (Ricardo Otxoaren 4. omenaldia) igaroko den goratutako hainbat oinezkoen pasabide berdinduko ditu Getxoko Udalak, eta egun horren ostean, berriro ere zeuden bezala jarriko ditu, horretarako 29 mila euro gastatuz. Hori dela eta, "herritarron dirua ez xahutzea" eskatu dio udal gobernuari Getxoko PPk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun