Kotxea uzteagatik ordaindu behar izatea gogor kritikatzen ari dira Sopelako hondartzetako erabiltzaileak, batez ere Arrietarara joaten direnak. Izan ere, uda hasi zenetik oinez baino ezin da igaro hondartzara. Aparkalekuko tiketak egun osoan kotxea uzteko aukera ematen du. Hala ere, Ibarrak onartu duenez, "bidezkoagoa litzateke aparkatutako denboraren arabera dirua ordaintzea".
Oinezkoen gunea
Alkateak EFEri egindako adierazpenen arabera, autoa aparkatzeagatik ordaindu behar izateak "hondartzak zaintzen" lagunduko dio Udalari. "Areatzak mantentzea garestia da eta sopeloztar guztien diruarekin egiten dugu. Beraz, ez zait batere arraroa iruditzen, gainontzekoei parkinga ordaintzea eskatzea", gaineratu du Ibarrak.
Arrietara kotxeak sartzeko jarritako debekuari dagokionez, "auzotar eta bisitari gehienek onartzen ari dira", alkatearen hitzetan.
Hondartzan aparkatzeagatik denboraren arabera ordaintzea aztertuko du Sopelako Udalak
Ricardo Ibarra Sopelako alkateak atzo adierazi zuenez, "hondartzako aparkalekuan hartutako neurriak zuzenak dira, baina hobetu daitezke". Izan ere, uda amaieran, Barinatxen kotxea uzteagatik 5 euro ordaindu behar izateko hartutako erabakiaren "emaitzen balantzea" egingo dutela jakinarazi zuen udal mandatariak. Horren arabera, "datorren udaldirako beste aukera batzuk aztertuko dira, autoa utzi nahi den denboraren araberako ordainketa zatikatua, horien artean".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun