Ezbeharra atzo arratsaldeko 15:00ak baino minutu batzuk lehenago gertatu zen N-240 errepidean, Lemoako Pozueta auzotik igarotzean, Citroën Xsara batek kamioi baten eta Opel Astra baten kontra talka egin zuenean.
Kolpe gogorraren ondorioz, Citroën Xsara autoan zihoazen Gamesako lau langileek bizia galdu zuten. Istripuan beste bi lagun ere zauritu egin ziren, kamioiaren eta beste autoaren gidaria, hain zuzen ere, eta Galdakaoko Ospitalera eraman behar izan zituzten.
Gaiaren inguruko albisteak
Gamesako langileek elkarteratzea egin dute lau lankideen heriotza salatzeko - Gara (2004 Uzt 23)
Lau gizonezko hil ziren atzo arratsaldean, Lemoan, euren autoa kamioi baten eta beste auto baten kontra talka egin ostean. 30 urteko E.A.I. Algortako auzokidea zen horietako bat. Eta berarekin zihoazen 31 urteko A.E.G. barakaldarrak, 36 urteko A.D.U. Santurtziko bizilagunak eta 32 urteko O.A.M. sestaotarrak ere bizia galdu zuten istripuan. Lauak Miñanoko Teknologia Parkean dagoen Gamesa enpresako langileak ziren. Hain zuzen ere, etxera bueltan zetozen autoz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun