Marisa Arrue Getxoko PPko bozeramaleak aipatu duenez, urtero ikusten dituzte "behartuak" euren buruak horrelako gertaerak salatzera. "Gainera, larriagoa da aurtengoan, karteletan eta esku-orrietan, jaiekin zerikusirik ez duen ezer jartzea debekatzen duen dekretua onartu zuelako udalbatzak", azaldu du zinegotziak.
Bere ustez, "mundu erradikalaren jarraitzaileen jai liburuxkaren erabilera politikoa" besterik ez da gertatutakoa. "Terrorismoaren apologia eta presoen gorespena egiteko erabiltzen dituzte jaiak. Eta hori ezin dugu onartu", gaineratu du Arruek. "Jaien erabilera politikoa egin dadin galarazteko", dekretua betearaztea eta liburuxka erretiratzea eskatu dio udal gobernuari. PPko zinegotziak esan duenez, "Dibertsioan, alaitasunean eta pluraltasunean oinarritutako jaiak nahi ditugu, getxoztarren gehiengoak parte hartzeko aukera ematen dutenak, inork bere ideia politikoen propaganda egiteko erabili gabe".
Bitartean, Paulino Luesma Espainiako Gobernuak EAEn duen ordezkariari egoeraren berri emango diola adierazi du Arruek.
Bertan "terrorismoaren apologia" egiten dela argudiatuz, Algortako Iñaki Deunaren jaietako liburuxka ken dezatela eskatu du Getxoko PPk
Algortako San Inaziotako jaien liburuxka "terrorismoaren apologia egiteko" erabili dela adierazi du gaur Marisa Arrue Getxoko PPko zinegotziak. "Bertan ETAko presoen argazkiak eta ilegaltzat jotako erakundeen iragarkiak agertzen dira eta mehatxu estaliak egiten zaizkie udalerriko elkarte eta klubei", gaineratu du. "Zeharka, ETAren inguruko talde erradikalak diruz laguntzen ari da Udala", zinegotzi popularraren esanetan. Arrueren hitzetan, "biktimei beste zaplazteko bat ematea eta edozein demokrata iraintzea" suposatzen du. Udal gobernuari liburuxka erretiratzea eskatzeaz gain, Paulino Luesma Espainiako Gobernuak EAEn duen ordezkariari egoeraren berri emango diola adierazi du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun