Demokraziaren bermeak - Mikel Carramiñana / Mediaberri.com
2004ko uzt. 24a, 23:11
Ez da asmakuntza berririk, baina azken aldian entzutetsu ari dira zabaltzen ikerketa-batzordeak, mundu osoan zehar gainera. Badirudi era arrakastatsua dela demokrazien purutasuna, eraginkortasuna eta fidagarritasunaren bermea erakusteko. Gizartearen inozotasuna ordea, benetan dena baino askoz sakonagoa dela uste behar dute politikoek. Ikerketa baten helburua, Sherlock Holmes izateko asmorik gabe, ondorio jakin batzuetara heltzea izan beharko litzateke. Are gehiago, ondorio horien arabera, ikertua izan den objektuarekiko ardurak edota erruak zehaztu beharko lirateke. Hara non, eta ondorengo ikerketa-batzorde zerrendetatik (Irailak 11ko atentatuak AEBetan, Martxoak 11ko atentatuak Espainian eta Irakeko Gerra Erresuma Batuan zein Estatu Batuetan) bakar batean ere ez dela agintari politikoren erantzukizunik agertu. Ondoriorik lazgarrienek, kudeaketan edo prozeduretan akats edo okerren bat egon izana salatzen dute, baina errua inori leporatu gabe.Barrez lehertzeko bermeak ditu beraz, mendebaldar demokrazia izenez ezaguna den fenomeno xelebreak. Espainiaren kasua bereziki kezkagarria da, eta ez bakarrik oso gertuko arazoa delako. Honetan zehaztu behar ordea, delako batzorde horrek ez duela oraindik bere amaiera ikusi, hortaz, itxaron behar emaitzei aditzeko. Baina egia da baita, ikerketaren garapena oso gainetik jarraitu duenak ere, gauzak argitzeko inolako asmorik ez dagoelaz jabetuko zela jada. Aipatu larritasuna dator, egun gobernuan dagoen alderdia eta gertaeren egunetan zegoena desberdinak izatetik. Hobeto uler daiteke Bushek edo Blairrek abiatutako txosten edo ikerketa-batzordeetan inolako argibiderik ez agertzea, baina nola arrazoitu, beste mila galderen artean, Aznar presidente ohia deitua ez izatearen nahia PSOErengan? Adibide soila baino ez den horrek, frogatzen duen bakarra zera da, Alderdi Popularra zein Sozialista, alderdi-bitasunean lasai bizitzeko sakoneko asmoa badutela. Horregatik, prest daude ere, bakoitzak besteari barkatzeko egindako azpijokoak. Espazioaren ikerlariek aurkitu dezatela sistema politiko garbi honen bermea Martitzen, lurrean, ziurtasunez egiaztatua, ez baitago.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun