Zehazkiago, 23:00etatik 6:00ak arte, trenak 7,5 minutuko maiztasunarekin ibiliko dira Bolueta-San Inaziora bidean, 15 minuturo Bidezabalera bidean eta 30 minuturo Plentzia eta Uribinagara bidean.
6:00etatik 9:00ak arte, berriz, zerbitzuak indartuko dituzte eta Bolueta-San Inaziorako trenak bost minuturo ibiliko dira. Bidezabalerakoak 10 minuturo eta Plentzia eta Urbinagarako trenak 20 minuturo.
Beste alde batetik, abuztuaren 2tik aurrera, Metro Bilbaok trenen ordutegiak moldatuko ditu hilabete horretako eskaerari egokitu eta aurre egiteko. Hain zuzen ere, tren ezberdinek egiten dituzten bidaien kopurua ehuneko 45 jaisten da, gutxi gorabehera.
Horrela, abuztuan zehar, Bidezabal eta Urbinagarako trenen maiztasuna 10 minutukoa izango da egun osoan. Hala ere, eta aurreko urteetan bezalaxe, konpainiak etengabeko zerbitzua eskainiko du Bilboko Aste Nagusiko bederatzi egunetan.
Metro Bilbaok gaueko zerbitzua areagotuko du larunbatean, Algortako jaiak direla eta
Metro Bilbaok larunbat honetako gaueko trenen zerbitzua areagotuko du Algortan ospatuko diren San Inazio jaiak direla eta. Konpainiak adierazi duenez, larunbat gaueko eta igande goizeko trenen maiztasuna handituko du, bezeroen eskaerari aurre egiteko. Horrela, larunbat gaueko 23:00etan hasita eta igande goizeko 9:00ak bitartean, trenen zerbitzua bikoiztu edota hirukoiztuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun