Goizean zehar, bisitariek euskal baserriko hainbat ekoizkin erosi ahal izango dituzte, hala nola, barazkiak, frutak, gaztak, pateak, ogia, pastelak, eztia, sagardoa, txakolina... Sendabelarrak eta lore apaingarriak eta artisautsa-kontserbak ere izango dira, besteak beste.
Gainera, trikitilariek eta dultzaineroek giroa alaituko dute eta txoznetan txorizoa, sagardoa eta beste hainbat produktu dastatu ahal izango dira. Eguerdia aldera, gazta, barazki eta landareen ohiko lehiaketak egingo dira.
Aipatu bezala, jaieguna gaueko 22:00etan bukatuko da, Biotz Alai abesbatza algortarrak izen bera duen plazan eskainiko duen doako emanaldiarekin.
Azokan aurkezten diren produktuen kalitatea eta aniztasuna dira ekimenaren ezaugarri nagusiak. Ildo honetan, mota honetako Bizkaiko azokarik garrantzitsuenetarikoa bihurtu da, eta horrela, baieztatzen du joan den urtean 15 milatik gora bisitari izatea.
San Lorentzo Azoka ospatuko da astearte honetan Algortan eta ehun erakustokitan banaturiko 73 ekoizle bilduko ditu. Algortako San Nikolas, Biotz Alai eta Getxo Antzokiko plazetan kokatuko dira gune guztiak, Getxoko Kultur Etxeak jakinarazi duenez. Merkatua goizeko 10:00etan irekiko da, arratsaldeko 14:30ean bukatzeko. Hala ere, jaieguna gaueko 22,00etan amaituko da, Biotz Alai abesbatza algortarrak eskainiko duen ohiko kontzertuarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun