Baina era berean, Bilboko Konpartsen Federakundeak indarrez ekin zion egoera baretzeari eta jai herrikoien bandera inoiz baino goren astintzeari. Iñaki Uriarte zendu izanak, bihar beteko da hile bat, ez dirudi jai eredu parte hartzaileari agur esateko moduko jarreran kokatu dituenik konpartsak. Askoren iritzia da gainera, delako krisialdia urtean zehar baino ez dela ematen; Aste Nagusia heldu bezain pronto, kalean bizi den giroak krisi ororen susmorik desagerrarazten du.
Bestelako egoera da Donostian, Gesteizen edo Iruñean bizi dena; izan ere, hauetan ez dago behar beste aukerarik jai herrikoien alde egiteko. Bilboko kasuan herriak berak irabazi ei zuen jaiak antolatzeko eskubidea, hasierako Aste Nagusia herritarrek sustatua izan zelako. Egungo alkatetza, Iñaki Azkuna jeltzalearena, ez dirudi ordea partaidetza bultzatzeko moduko udal taldea baina nola edo hala, mantentzen da Jai Batzorde parekidea, non konpartsetako kideek politikariekin batera aritzen dira jaien antolakuntzan.
Donostiako Aste Nagusian badira herri ekimenak abiatutako jarduerak, baina ez dira Bizkaiko hiriburuan gertatzen den moduan, jaiaren erdigunea. Gasteizen aurten txosnek ez dute inolako laguntzarik izan eta gainera, unibertsitate gunean kokatu beharra izan dute. Iruñean aldiz, peñen protagonismoa ez da nolanahikoa baino Barcina alkatearen gobernuaren asmoa txosnak eta mugimendu herritarra hirigunetik gero eta gehiago urruntzea den heinean, San Ferminak komertzialtasun hutsaren menpean geldituz doaz.
Argi dago politikarien eskutik aldentzen den jarduera orok mesfiantza sortzen duela eurengan. Herri askotan enpresa pribatuen esku ari dira jartzen jaien antolakuntza, gazteriarekin (parrandak antolatzeko egokienak logikaren ikuspuntutik) inolako harremanik izan nahi gabe. Iñaki Uriartek aipatzen zuen arazo larria dela erakundeek bere etorkizunean, gazterian alegia, inolako konfiantzarik ez izatea; egia mingarri bezain borobila.
Bukatu da Euskal Herriko hiriburuetako jai handien aldia, ez ordea uda, eta askotan errepikatzen den jai herrikoien gaiaren inguruan hausnartzea interesgarria izan daiteke; Hegoaldeaz behintzat. Bilboko Aste Nagusia izan da azkena eta aldi berean, kutsu herrikoi eta partaidetzaren paradigma izaten jarraitzen duena. Hainbat berezitasun izan ditu gainera Bilboko Aste Nagusiak, izan ere, Konpartsen eta Udalaren arteko harremanak tirabirak izan zituen Inauterietan eta azken Santomasetan. Horri lotuta azaldu zen gerora Udal taldearen erabakia jaien hasiera eguna astebete aurreratzen, ohiturak agintzen zuenarekiko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun