Irak gerraren gainean ari denean, emakume zahar batek zuzen adierazten digu, emakume irakiar batek jakina: “Ala, buelta zaitez gurera, zu zara handia Ala, ez gaitzazu ahaz, ta honda itzazu beraien etxeak, akabatu danak..... eraso Amerika Ala..mesedez ene jainkoa...”. Hauexek dira gutxi gora behera emakume inuzente horren sentimenduak, Sadam-en armadakoa ez den emakume baten desioak, eta eskakizunak. Vendetta, mendekua, eta heriotza, jainkoaren izenean.
Eta, egia esanda, ni ez naiz harritzen, guztiz ikaratu ninduen horrek, nahiz eta jakin gorrotoak gorrotoa dakarrela etengabe, eternitatera arte. Emakume fededun horren alde azalduko zen edozein ikusle zineman, inolako ezbairik gabe, heriotza aldarrikatuz, gerratearen izaera betiko eta betirako iraunaraziz.
Farenheit 9/11k ez zidan holako sekretu berririk kontatu, bai ordean maisu lanaz agerian utzi, edozein gatazka politiko- ekonomikoan gertatzen dena, txikia zein handia izan, zibila zein mundukoa izan, nork geldiarazi ditzake? Nork emango du amore inteligentziaz? Non daude Greziar demokraziako jakintsuak?....oso erretoriko jarri banaiz artikulu honetan, benetan latinez esaten denez alea jacta es, gureak egin duela uste dudalako izan da.
Suposatzen dut, nahiz eta uda garaia izan, Michael Mooren azkenengo filma dagoeneko ikusita eta debatitua izango duzuela danok. Farenheit 9/11 ikusi eta bai, sumatzen nuen hainbat kontu bertan egonda ere, harrituta utzi ninduen dokumentalak. Munduan eredutzat etengabe filtratu egiten dizkiguten sistema demokratiko askok deslegitimitatzeaz gain, argi uzten digu Moorek; zergatik gerrateak egon eta egongo diren, zergatik bermatu behar den guda baten existentzia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun