Abuztuaren 6ko Estatuko Buletin Ofizialean, Bilboko Portuko Agintaritzak argitaratutako iragarkiaren arabera, Getxo udalerrian gurutzuntzietarako kaia eraikitzeko eta ustiatzeko kontzesioa egiten zitzaion Abra-Getxo Kirol Portua elkargoari, legeak ezarritako epeen barruan, bestelako erakunderik ez baitzuen eraikitzeko eskaerarik aurkeztu.
Gaur egun, Eusko Jaurlaritzak eta Getxoko Udalak osatzen dute elkargoa, azken honek daukalarik bazkidetza portzentairik nagusiena. Zentzu honetan, aipatutako azpiegitura finantziatu ahal izateko, Eusko Jaurlaritzak elkartearen akzio gehienak bereganatu nahi zituela adierazi du Zarraoak. Hala ere, hasiera batetik, horren aurkako iritzia agertu du alkateak; 7.000 metro koadroko azalera izango duen kaiko lehorreko azalerari dagokionez,"gauza asko esateko dituelako Udalak"
Hala ere, egun Santurtzin dagoena ordezkatuko lukeen gurutzuntzietarako kaiaren finantziazioa Eusko Jaurlaritzaren menpe dagoen Euskadiko Portuak erakundearen esku egon litekela argitu du Zarraoak, eta ez Abra-Getxo Kirol Portua elkargoarenean. Erakunde barruko gaiei lotutako azken ikutuak zehazteke, itsas azpiegtura berri honen eraikuntza lanak 2005 urtean has daitezkela adierazi du Getxoko alkateak.
Bidaiari gurutzuntzietarako kai berria Getxo udalerrian egingo dela baieztatu du Zarraoak
Iñaki Zarraoa Getxoko alkateak gaur baieztatu duenez, datorren urtean hasiko dira bidaiari gurutzuntzietarako kaia eraikitzen udalerrian. Honek berriro agertu du, aipatutako azpiegitura egitearen alde egon dela hasieratik Getxoko Udala, "horrexek EAErako duen interesagatik". Hala eta guztiz ere, udal getxoztarrak ez zuela gurutzuntzietarako kaia eskatu zehaztu nahi izan du Zarraoak; baizik eta Portuko Aginteak jo zuela egoki Getxora ekartzea "egoera hobeagoa delako".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun