Goiherri sokatira taldea munduko txapeldun
2004ko ira. 9a, 21:57
Joan den asteburuan, Amerikako Estatu Batuetako Rochester hirian egin zen lur gaineko Munduko Sokatira Txapelketan, kluben urrezko domina eskuratu zuen, 560 kiloko kategorian, Erandioko Goiherri taldeak. Finalaurrekoetan Gaztedi klubeko A taldekoekin lehiatu behar izan ziren. Laukizkoek bigarren taldeko lehenengo postuan amaitu zuten kanporaketetan. Finalera igarotzeko talde bizkaitar bien arteko borroka oso gogorra izan zen eta azkenean erandioztarrek irabazi zuten bi tiradetan. Azkenean, Gaztedi taldekoek laugarren postua lortu zuten. Tamalez, Espainiako selekzioaren barruan lehiatu behar izan ziren talde biak.Erandioztarrek oso saio borobila gauzatu zuten txapelketaren hasieratik. Sailkatzeko fasea jokatu ondoren, taldeko bigarrenak geratu ziren Hego Irlandako Killylough taldekoen atzetik eta hurrengo faserako sailkapena lortu zuten. Talde honetan aritu zen, baita ere, Gaztediko B taldea. Laukizkoa tiratzaile gazteez osatuta zegoen eta seigarren postuan amaitu zuen bi garaipen eta bi berdinketa lortu ondoren.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun