Halaber, Sopel-bus berria izanik, herritarren iradokizunak jaso nahi dituzte, zerbitzua hobetzen laguntzeko. Horretarako, mezua sopelanagurea@sopelana.net helbidera edo idatzia Sopelako udaletxera (Sabino Arana, 1 - 48600 Sopela) bidaltzea besterik ez dago, Sopelana Gurea-rako dela zehaztuz.
Sopel-busaren ordutegiak.pdf (Sopelako Udalaren webgunean erderaz baino ez daude)
Herritarren eskaerei erantzunez, Sopel-bus abian jartzea erabaki du Sopelako Udalak, urrutiko auzoak metro geltokiekin eta herrigunearekin lotzeko. Zerbitzua asteazken honetan bertan hasiko da eta honako hau izango da bere ibilbidea: Urbaso kafetegi aurreko autobus geltokia - Kanpina - Sopelmar - Euskadiko Kutxa - Nagusien Etxea- Larrabasterrako metro geltokia (Jako denda aurrean) - Urbaso kafetegia. Txartelen prezioa, berriz, 0,50 eurokoa izango da eta, 5 euro ordainduz, 12 bidai egiteko bonua eros daiteke. Urbaso kafetegian, Keltse, Yako Konfiturak eta Zutarri tabernan egongo dira salgai txartelak. Bonuak merkeago eskuratu ahal izateko, etorkizunean eskaintza ezberdinak egongo direla adierazi dute udal arduradunek. Momentuz, irailaren 17 eta 19a bitartean, Sopel-buseko 12 bidaientzako bono bat aurkeztuz (Hondar-buseko bonoak ere onartuko dira) 2,13 euroko creditrans-a jasoko dute dohainik, udaletxean dagoen turismo bulegotik pasatzen direnek. Eskaintza izakinak bukatu arte izango da baliogarria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun