Ostegun honetako udalbatzara eramango duten mozioa aurkeztu du gaurko prentsaurrekoan Marisa Arrue Getxoko PPko bozeramaleak. Horretan, hiruzpalau urtetik hona, Udala Euskal Herritik kanpo dauden euskal preso politikoen senideen kartzeletarako bidaiak diruz laguntzen diharduela nabarmendu nahi izan dute popularrek. Besteak beste, 2001ean, 2002an eta 2003an emandako diru kopuruak gogora ekarri dituzte, 10.962, 19.376 eta 19.097 euroak, hurrenez hurren. Horrekin batera, aurten onartutako 24.000 euroko diru-laguntza dela eta, "milagarren aldiz, terrorismoaren biktimen kontura barre egitea" leporatu diote, EAJ, EA eta IU-EBren babesaz, Iñaki Zarraoa alkateak zuzentzen duen udal gobernuari.
Arrueren hitzetan, "euren buruak demokratikotzat hartzen dituzten alderdiek osatutako udalak ezin du herritarren dirua horretarako eman. Terrorismoaren benetako biktimak direnei laguntzeko erabili beharko luke, eta ez horiekin bihozgabe jokatuz". Hori dela eta, "behin betiko, justizia egitea eta ETAk erahildakoen eta euren familiarren sufrimendua aintzat hartzea" eskatuko du osoko bilkuran PPk. Bide horretan eurek aurkeztutako ekimen guztiak "baztertuak" izan direla nabarmendu nahi izan dute.
Presoen senideei laguntzak kendu eta dirua "terrorismoaren benetako biktimei" emateko eskatu du Getxoko PPk
2004ko ira. 21a, 23:51
Euskal Herritik kanpo dauden euskal preso politikoen senideek kartzeletara bidaiak ordaindu ahal izateko onartutako 24.000 euroko dirulaguntza ezeztatzeko eskatu dio Udalari Getxoko PPk. "Zarrasteldu" nahi duten diru hori "terrorismoaren benetako biktimak direnei, hots, ETAk eraildako edo mehatxatutako pertsonei eta euren familiarrei" emateko premiazko eskea egin du Marisa Arrue popularren bozeramaleak, "dolu-agerpenak eta bateratzea errazteko asmoz, mehatxuengatik seguruenik betirako herritik kanpo lan egin edota bizitzera joan behar izan dutenen bidaiak ordaintzeko alegia". Hori dela eta, "ETAk hildakoak eta euren familiarrak ahaztuta" dituztela kritikatu eta "urte askotan hiltzaileen senideei laguntzea eta horiek aldarrikapenak egiteko erraztasunak ematea" egotzi dio Iñaki Zaraoak zuzentzen duen udal gobernuari Getxoko PPk.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun