Bi egunetan zehar egingo den Elkarteen Azokaren bitartez, euskararen normalkuntzan arlo ezberdinetan ari diren taldeak ezagutarazteaz gain, bakoitzak dituen helburuak eta horiek lortzeko bideratutzen dituzten berri eman nahi dute, antolatzaileek adierazi dutenez. Horretaz gain, elkarteek bultzatzen dituzten ikasturte hasierako kanpainetan izena emateko aukera izango dute herritarrek. Besteak beste, Bizarra Lepoan, Egizu, UK, ALBE, euskaltegiak eta GEHI hitzarmena sinatutako elkarteak dira San Nikolasen etxola edukiko dutenak.
Txalaparta festa
Larunbatean, berriz, txalaparta izango dute oinarri jarduera gehienek. Goizean, txalapartari ezberdinekin jotzeko aukera egongo da Telletxe plazan; baita horren inguruko informazioa jasotzeko gunea ere, San Nikolas plazan. Arratsaldeko dantza garaikide emanaldiak eta Ttakunpa taldearen kontzertuak ere instrumentu horri lotuta izango dira. Lehenengoek, tinbalen soinuarekin uztartuko dute txalaparta; bigarrenek, afrikar soinua eta dantzarekin. Izan ere, euskal kultura eta horren sinboloa izan daitekeen txalaparta moduko instrumentu baten bilakaera eta egungo joera berrietara egokitzeko garrantzia nabarmendu nahi dute.
Ikusi egitarau osoa agendan
Getxoztar guztiei euskal kulturan eta euskaran murgildu eta parte hartzera animatzeko, irailaren 24an eta 25ean Euskal Jaia antolatu dute, Algortako San Nikolas plazan, euskararen normalkuntzan lanean diharduten udalerriko hainbat elkartek. Lehehengo egunean berebiziko garrantzia izango dute aipatu taldeek. Izan ere, bakoitzak propio izango duen etxola batean beraien eguneroko lana herritarrei ezagutarazteko aukera izango dute. Bitartean, umeei zein heldueei zuzendutako jokuek eta tailerrek giroa animatuko dute. Bigarren egunean, berriz, nahiz eta Elkarteen Azokak jarraitu, txalapartak hartuko du protagonismoa. Goizez zein bazkari herrikoiaren ondoren gauerarte, txalaparta kultura eta garai ezberdinetako instrumentu, dantza eta kantuak uztartuko dituzte. Besteak beste, Bizarra Lepoan euskara elkartea, aipatu taldeak eta udalerriko euskaltegiek osatzen duten Egizu Getxo Euskaldun ekimena eta Uribe Kostako Txalaparta Ekimenerako Sustapen Taldea (UKTEST) dira Euskal Jaiaren antolatzaileak, GEHI hitzarmenak, Algortako Bertsolari Eskolak (ALBE), UK aldizkariak eta Lauaxeta AEK eta Jose Antonio Agirre euskaltegiek lagunduta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun