Hala ere, asteazken horretakoa ez da udalerriko gazteei egingo zaien epaiketa bakarra izango. Gogoratu dutenez:
- Urriaren 5ean Algortako 20 gazte baino gehiago epaituko dituzte etxe huts eta erabili gabea okupatzeagatik, "bere nahi bakarra aisialdia jorratzeko gazte esparru bat edukitzea baino ez zenean".
- Azaroa aldean Algortako beste gazte batzuk epaitu nahi dituzte, kale borroka leporatuta, "egun euren kontrako frogarik ez dagoenean".
- LOUaren kontra egindako protesta batean, Getxoko epaile batek auziperatutako 103 EHUko ikasleak ETAko kide izatearen akusaziopean "honek ekar ditzaken ondorioekin..."
"Badirudi azkenaldi honetan Uribe Kostako gazteok epaitu, erasotu eta lotsarazi nahi gaituztela burutzen dugun ekimen bakoitzagatik", deitoratu dute gazteek.
Hiruna urteko kartzela eskatu dute beste horrenbeste Itzubaltzetako gazteentzat
Asier Polo, Arkaitz Bolunburu eta Fernando Itzubaltzeta / Erromoko gazteak irailaren 29an, 10:30ean, epaituko dituzte Bilboko Auzitegian, 2001eko hauteskundeetan Haikaren ilegalizazioa salatzen zuten kartel batzuk Carlos Iturgaitzi erakusteagatik. Auzoko Gazteen hitzetan, "euren pekatu bakarra adierazpen askatasunaren eskubidea bermatzea izan da", Gaztesareak jasotako adierazpenen arabera. Halaber, "lotsagarritzat" jo dute fiskalak eskatutako zigorrak: 1) irain delitua: 7 euro egunero 11 hilabetez (2.310 euro) eta inhabilitazioa 2) koakzio delitua: 3 urteko espetxe zigorra 3) desordena delitua: 20 aste buruko arrestoa. Guztira, hiruen zigorra batera: 9 urteko espetxe zigorra, 60 aste buruko espetxe zigorra eta 7.000 euro. "Argi dago hemen demokraziarik ez dagoela, eta batzuk, askatasun ezaz ahoa betetzen duten bitartean, gazteok, etengabe kolpatuak eta kriminalizatuak izaten gara. Badirudi, denek ezin dugula gure iritzi zein erreibindikazioak adierazi, faxismoaren aurpegia agerian agertzen zaigulako une oro...", salatu dute. Hori dela eta, urriaren 1ean (ostirala), 19:30ean, manifestazioa deitu dute Itzubaltzeta / Erromoko Kolas plazatik abiatuta.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun