Manifestazioa gaueko 9:00ak pasatuta hasi da, gaztetxeko kideek hiru pankarta sostengatzen zituztela. Lelo nagusiak "Espazio askeak behar ditugu. Itzubaltzeta aurrera", "Gaztetxea gure etxea" eta " Gure ametsak eta ideiak ezin izango dituzue bota" izan dira.
Manifestazioak bere ibilbidea egin du Erromo eta Areetan zehar, eta batzokiaren aurretik pasa denean, gazte batzuek arrautzak bota dituzte fatxadaren kontra.
Ibilbidea bukatzeko, Itzubaltzetako kideek komunikatu bat irakurri dute eta hurrengo mobilizazioetan parte hartzeko deia egin dute. Hurrengo manifestazioa datorren larunbatean izango da.
Zaurituak
Bestalde, Itzubaltzeta gaztetxeko kideek konfirmatu digute Gurutzetan zegoen zauritua eguerdian irten dela ospitaletik, buruan puntu batzuk eman ostean. Era berean, gazteek egindako zenbaketaren arabera zortzi izan da Ertzainek goizean eragindako zaurituen kopurua.
Eraikinari dagokionez, zutik dirau. Udalaren hondeamakina teilatua, bigarren aretoko hainbat horma eta patioaren fatxada osoa bota baditu ere, gela asko osorik daude oraindik.
Informazio gehiago hemen:
Indymedia
Erromok gaztetxea aldarrikatu du kalean
Bostehun pertsona baino gehiagok aldarrikatu du espazio askeen beharra Erromo eta Areetako kaleetan. Gazte eta helduez osatutako manifestazioak Iñaki Zarraoa Getxoko alkatearen jarrera gaitzetsi du, Itzubaltzeta gaztetxearen huste agindua eta eraiste lanak hastea leporatuz. Era berean, auzokideek Itzubaltzetarekin aurrera jarraitzeko animatu dituzte gaztetxeko kideak. Bukaeran, beste manifestazio bat deitu dute larunbaterako.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun