Batzokietan agertutako pintadei dagokienez, marraztutako jomugekin batera, "Iñaki, lo vas a pagar caro" eta "PNV español" irakur zitekeela adierazi zuten jeltzaleek. Horretaz gain, "Itzubaltzeta" hitzarekin sinatu zutela aipatzen du Getxoko EAJk. Azken hau ezin izan dugu UKBERRItik egiaztatu, gaur Areetan pintada gehienak garbituta zeudelako jada. Baina, Algortan, ETAren aldeko leloak bakarrik irakur daitezke. Gainera, gogoratu behar da, atzo manifestazio bi deialdi zeudela Getxo udalerrian: bata, Algortako Telletxe plazan, 20:00etan, Gudari Eguna zela eta; bestea, berriz, Erromon bertan, 21:00etan, Itzubaltzeta gaztetxea eraistearen aurka protestatzeko.
EAJren komunikatua
Atzo bertan kaleratutako oharraren bidez, erasoak gaitzetsi eta "alkateak eta alderdien egoitzek merezi duten errespetua erakusteko" eskatu zieten herritar guztiei Algorta, Ondarreta eta Getxo Zaharreko EAJko batzarrek. "Getxo udalerriak behin baino gehiagotan adierazitako borondate demokratikoa eta elkarrekin bizitzeko nahia errespetatzen dituen alderdia da gurea. Horretaz gain, gizabanakoaren eta kolektiboen eskubideen defentsan konprometiturik dago EAJ", adierazten da idatzian. "Pluraltasuna eta normalizazio demokratikoa onartzearen adibidetzat", alderdien egoitza guztiak errespetatzeko eskatzen dute.
Marisa Arrue, Getxoko PPko bozeramalea
Beste alde batetik, Zarraoa eta EAJren aurka udalerriko kaleetan agertutako pintadak gaitzetsi eta "orban horrekin amaitzeko", alkateak zein aipatu alderdiak "popularren laguntza osoa" izango dutela adierazi du gaur Marisa Arrue PPko bozeramaleak. "Tamalez, hain ohituta gaituzten gertaera horiek bizi dugun demokrazia faltaren adibide dira. Ezin dira zigorrik gabe gelditu", gaineratu du.
Gaiaren inguruko berriak, gaztelaniaz:
PP de Getxo condena las pintadas contra Zarraoa y el PNV y dice que demuestran "la falta de democracia y la sinrazón" - Europa Press
Realizan pintadas con amenazas en los batzokis de Algorta y Las Arenas contra Zarraoa - UKDigitala
Beste berri batzuk:
Burua estalita zuten hainbat lagunek iltzeak, olioa, eta gasolina bota dute Getxoko kale batera - EITB24
Algortan zein Areetan izandako istiluak Itzubaltzetako gazteei egotzi die Getxoko Udaltzaingoak
EAJk batzokietan agertutako pintadak gaitzetsi ditu eta PPk elkartasuna adierazi die jeltzaleeiAtzo Areetako eta Algortako batzokietan EAJren eta Iñaki Zarraoa alkatearen aurkako "pintada mehatxatzaile eta iraingarriak" egin izana salatu dute aipatu alderdiko arduradunek. Horretaz gain, Getxo udalerriko jeltzaleek Europa Pressi adierazitakoaren arabera, "ezker abertzaleko 600 bat jarraitzaile elkartu ziren gauean Areetako batzokiaren aurrean eta harriak bota zituzten, hainbat leiho apurtuz" (Hala ere, hainbat hedabidek erratuta erasotutako batzokia Getxokoa izan dela esan dute, EAJko hainbat kidek argitu digutenez). Udaltzaingoaren arabera, gasolina, olioa eta iltzeak erabiliz eta zaramaontziak errepidean gurutzatuz, seiak aldera, burua estalia zeramaten hainbat lagunek Algortako Telletxe kalean eragindako kale mozketen ondoren harrikatu omen zuten eraikina. Hori dela eta, goizean Itzubaltzeta gaztetxea husten eta eraisten ari zirela, Erromon bertan bildutako gazteei egotzi dizkie istiluak: "Inongo hipotesirik baztertu ez den arren, guztiak adierazten du eurak izan daitezkeela egileak". Horrela jakinarazi zioten behintzat poliziako iturriek UKDigitalari. Ertzaintzak, aldiz, ikerketa ildo guztiak zabalik dituela adierazi du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun