Zumaiako eta Donostiako proben ostean, bero dator Euskal Surf Zirkuitoa. Hainbat surflarik daukate txapela lortzeko aukera Atxibiribilen irabazita. Ander Ederra iazko txapelduna, zarauztarrak ere diren Oier Illarramendi eta Carlos Gómez edota sailkapeneko buru den Jon Garai getxoztarra daude horien artean.
Sopeloztarrei dagokienez, Nikola Susaeta, Iker Markez eta Eukeni Masa gazteek aukera handiak dituzte sub 18 kategorian. Nesken artean, berriz, Iciar Bustamantek eta Amaia Ruizek parte hartuko dute.
Bodyboard
Bodyboard modalitatean, berriz, Aritz Larrinaga, David Pérez, Antonio Ortiz eta Jon Ander Bengoetxea sopeloztarrek parte hartuko dute, hurrenez hurren. Sailkapeneko lehenengo laurek, hain zuzen ere. Txapela etxean jokatuko dute.
Zumaian eta Donostian lehenengo bi kanporaketak egin ondoren, Euskal Surf Zirkuitorako puntuagarria den azkenengo proba jokatuko da urriaren 2an eta 3an (asteburu honetan) Sopelako Atxabiribil hondartzan. Egongo diren bost kategorietan (Surf Open, Emakumeak, Sub 18, Sub 16 eta Longboard) ehun suflari baino gehiagok parte hartzea espero dute antolatzaileek, Euskal Herriko Surf Federazioak (EHSF) eta Peña-Txuri Surf talde sopeloztarrak alegia. Izan ere, puntuez gain, 1.900 euroko saria egongo da jokoan. Beste alde batetik, urriaren 9an eta 10ean (hurrengo asteburuan), Euskal Bodyboard Zirkuitoko azken proba jokatuko da, Atxibiribilen ere bai. Izena emateko 94 473 51 25 telefono zenbakia eta ehsf@euskalsurf.com e-posta jarri dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun