Astelehenean, Erromoko gazteok EAJren, errepresioaren bidez pentsamolde guztiak kontrolatzeko, indar armatu polizialei gogor erantzun genien. Dena den, ertzainen bortizkeriaren eta gizatasunik ezaren ondorioz, hainbat gazte zauritu eta mehatxatzeaz gain, gazte indarra, injustiziari erantzuteko gaitasuna eta borrokarako potentziala ere ikusi ahal izan zen. Inposatzaileek, pentsamolde guztien monopolioa eskuratu nahian, giza ordena nagusitik kanpo dagoen pertsona eta mugimenduak kriminalizatzeko estrategia lotsagarriak eta beldurgarriak erabiltzen dituzte. Geure ametsak desagerraraziko dituztelakoan dabiltza, baina bide okerretik dabiltza! Aldean daramagun duintasuna eta gazte indarra ez digute ostuko. Horregatik berriro ere, beste etxe huts bat ametsez, gogoz eta alternatibaz gorpuztuko dugu; adi egon, sasipolitikari gezurtiak! Geure borrokak bizirik dirau! Gogotsu ekingo diogu proiektuari, zeuen jarduera politiko eskasa eta lotsagarria astindu eta salatuta. Azkenik, gaztetxeen aldeko autua egiten duzuen guztiei, gaur egingo den manifestazioan parte hartzeko gonbita egiten dizuegu Itzubaltzetarrok. Gazteak gara eta harro gaude!
Berria egunkarian 2004ko urriaren 2an argitaratutako gutuna
Itzubaltzeta gaztetxearen etorkizuna kolokan
2004ko urr. 2a, 19:43
Auzoa irauliz, gaztetxearen defentsan dihardu gazteriak - Itziar Zunzunegi / Itzubaltzeta gaztetxeko kidea
2004ko urr. 2a, 19:43
Azken aldiotan, gaztetxeen inguruko auzia plazaratzea lortu izan du euskal gazteriak. Argi daukagu gaztetxeak eraiki eta defendatuko ditugula.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun