Okupazioa aldarrikatzeko manifestazioaren ostean, Aixerrotara bidean zegoen etxean sartzea erabaki zuen, ekainaren 25an, Algortako Okupazioaren Aldeko Mugimenduak, bertan gaztetxea egiteko. Handik bost egunetara, Ertzaintzak kanporatuak izan ziren eta eraikina bota zuten hondea-makinek. Hain zuzen ere, egun horretan gauen, hutsik zegoen Urgull kaleko kultur etxea (hutsik dago oraindik) okupatu zuten gazteek, Aixerrotako gaztetxearen eraisketa salatzeko, eta goizaldean berriro joan zitzaizkien polizia agenteak. Azkenik, San Nikolas plazan kanpatzea erabaki zuten uztailaren 2an eta hamahiru egunez egon ziren bertan, berriz ere, ertzainak agertu arte. Aixerrotako gaztetxean hamabi lagun izan ziren identifikatuak, kultur etxean bederatzi eta herriko enparantzako kanpaldian bi.
Gaiaren inguruko berriak:
Kaletik kaleratu gaituzte (2004 Uzt 15)
Ertzaintzak San Nikolaseko kanpaldia etenarazi izana gaitzetsi du Gazte Abertzaleak erakundeak (2004 Uzt 13)
San Nikolasen kanpatuta zeuden gazteak bota dituzte Zarraoaren aginduz (2004 Uzt 13)
San Nikolas plazako kanpaldia eteteko eskatu du Getxoko PPk (2004 Uzt 06)
Algortako Gaztetxearen eraisketaren aurka agertu da Gazte Abertzaleak erakundea (2004 Uzt 06)
San Nikolasen mugagabe kanpatzea erabaki dute Algortako gazteek (2004 Uzt 02)
Atzo Urgull kaleko kultur etxea okupatu eta gaur bota dituzte Algortako gazteak (2004 Uzt 01)
Algortako Gaztetxea bota dute. Manifestazioa 20:00etan Gaztetxetik (2004 Eka 30)
Aixerrotan gaztetxea egiteko etxea okupatu izana salatu du Getxoko PPk (2004 Eka 29)
Getxon aste batean bi okupazio: Erromoko Gaztetxea eta Algortako Gaztetxea (2004 Eka 28)
Informazio gehiago:
Algortako Gazte Asanblada
e-mail: sastrakagaztetxea@hotmail.com
Urriaren 5ean deklaratu behar zuten, baina atzeratu egin da epaiketaEkaina bukaeran gaztetxea egiteko Aixerrotara bidean zegoen etxea okupatzeagatik Algortako 12 gazte epaituko dituzte hilabete honetan. Algortako Gazte Asanbladak jakinarazi duenez, orain aste pare bat epaitegitik zitazioa heldu zitzaien etxera eta “etxebizitza okupazio” delitua leporatzen diete. Dena den, urriaren 5an deklaratu behar bazuten ere, epaiketa atzeratu egin da, zitazioa erderaz heldu zitzaienez errekurtsoa aurkeztu zutelako gazteek. “Euskal herritar garen aldetik, eskutitza euskaraz jaso arte ez da epaiketarik egongo”, diote. Aixerrotako etxearen eraisketa salatzeko hutsik zegoen Urgull kaleko kultur etxea okupatzeagatik ere beste 9 lagun izango dira deituak deklaratzera. Aipatu prozesu judiziala, “dudarik gabe, gaztetxeen kontrako erasoaldiaren testuinguruan” kokatu dute Algortako Gazte Asanbladakoek. Euren hitzetan, “aste honetan Itzubaltzeta izan da. Hori bai, hor diraute Sorgintxulo, Euskal Jai eta Gazteizko, Algortako eta Donostiako okupazioen inguruko auziak”. Hala ere, “kikilduko” ez direla adierazi dute “gogor eta ozen”. “Etxeak botako dituzte, ekonomikoki itotzen saiatuko gaituzte, beldurra sartzen saiatuko dira, erasotuko gaituzte, buruak zabaldu baina ez dugu etsiko. Erromo eta Algortako gazteak Gaztetxe bana lortuko dugu, gure herriko gazteriak horrela erabaki baitu. Zarraoa ez gaituzu geldituko”, diote gazteek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun