Hori dela eta, horrelako egitasmoak eskola-umeen une pribatuetan "eskua sartzea" suposatzen duenik uste ez duen azaltzeko eskatu dio Iztuetari. "Nahita erabiltzen duten hizkuntza aldatzera behartu nahi ditu umeak Leioako Udal Gobernuak imposatu nahi duen hizkuntz-ereduaren helburuak bete daitezen", adierazi du PPko legebiltzarkideak.
Horretaz gain, "euskararen erabilera sustatu beharrean, ekimenak euren jokoetan sartzen diren begiraleengan errefusa sortuko duenik" ez duen uste galdetu diote Iztuetari popularrek.
Gameroren hitzetan, "nahiz eta ikastetxeen barruan izan, instituzioek ezin dute eskua sartu hain pribatuak diren adin txikikoen harreman pertsonaletan. Lagunak, kirolak, jokoak eta, are gehiago, mintzatzeko hizkuntza erabakitzeko askatasuna kendu nahi diete". Iztueta "horrekin ados dagoen" jakin nahi du PPk.
Gaiaren inguruko berriak:
Euskararen erabilera sustatuko dute jolas-orduetan Leioako ikastetxeetan (2004 Urr 12)