Gamerok atzo egindako salaketak "demagogikotzat" jo ditu Imazek

Erabiltzailearen aurpegia
Atzo Iñaki Gamero PPko legebiltzarkideak Leioako "Ikastetxean Euskaraz Jolasten" ekimenaren inguruan egindako salaketei erantzun die gaur Onda Cero irratian Josu Jon Imaz EAJko EBBko presidenteak. Popularren ordezkariak "ez du informazio osoa eman" jeltzaleen buruzagiaren hitzetan, aipatu egitasmoa D ereduko zentro publiko bateak gauzatzen ari direlako, "non gurasoek euren borondatez erabaki duten seme-alabak jarduera guztiak euskaraz egin ditzatela, hezkuntzari zein jolas-orduei dagokienez".
"Neska-mutilak ingelesa ikastera bidaltzen ditugun eskolan, ikasgelan zein jolas osagarrietan hizkuntza hori erabili behar dela esateak ez luke inor harrituko. Gurasoak garen aldetik guztiz normala irudituko litzaiguke hizkuntzaren ikasketa prozesuaren baitan", azpimarratu du Imazek. "Gaztelaniaren bazterketa" ematen ari dela esateak "demagogikotzat" jo du.

Elebitasuna

EAJko EBBko presidenteak nabarmendu duenez, "eskolan euskaraz, gurasoekin gaztelaniaz eta lagunekin berdin-berdin hizkuntza zein bestean hitzegiten duten ume horiek arazorik ez dute eguneroko elkarbizitzan". Horrek euskal gizartean "dramarik edota gatazkarik" ez duela suposatzen aipatu zuen Imazek, bere alderdia gizarte elebidunaren alde dagoela adieraztearekin batera. "Gure hizkuntzak euskara eta gaztelania dira. Gauza da aurrenekoa ahulagoa dela eta guk bakarrik daukagula", azaldu du.

Hori dela eta, horrelako gaiekin ez dela "dramatizatu" behar uste du Imazek, hain zuzen ere, gurasoek eurek direlako hizkuntza eredua erabakitzen dutenak: "Euskara eta gaztelaniaren arteko gerra hauekin ez diogu inori onik egiten", dio berak. Jeltzaleen buruzagiaren ustez, "euskara euskaldunen transmisiorako hizkuntza izan dadila bermatzen jarraitu behar dugu".

Gaiaren inguruko berriak:

Eusko Legebiltzarreraino eraman du Leioako PPk "Ikastetxean Euskaraz Jolasten" ekimenari egindako kritika (2004 Urr 19)

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun