"Ikastetxean Euskaraz Jolasean" ekimenaren aurka jotzeko eskatu dio Luesmari Manos Limpiasek

Erabiltzailearen aurpegia
Eskoletako jolastoki eta jantokietan euskararen erabilera sustatzeko asmoz, Leioako Gobernu Batzordeak begiraleak jartzeko hartutako erabakiaren aurka egiteko eskatu dio, idatziz, Paulino Luesma Espainiako Gobernuak EAEn duen ordezkariari, Manos Limpias funtzionario taldeak. "Ikastetxean Euskaraz Jolasean" egitasmoaren bidez, "eskola-umeak gaztelaniaz hitzegiten ikusten dituztenean, euren jokoetan eta hizketaldietan eskua sartu nahi dute, gutxinaka-gutxinaka euskaraz berba egiteko erabakia har dezaten", adierazi dute aipatu kolektiboko kideek. Hori dela eta Leioako Udalaren dekretuaren kontrako errekurtsoa aurkezteko eskatu diote Luesmari.
Manos Limpiasen ustez, "baliogabetzat" jo behar da dekretua, "Espainiako Konstituzioak bermatzen dituen eskubide eta askatasunak urratzen dituelako". Luesmari bidalitako idatzian aipatzen denez, Leioako Udalaren erabakiaren bidez "ordenamendu juridikoak aurrikusten ez dituen helburuetarako erabili dira udal administrazioko baliabideak". Hori dela eta, "botere desbideratzea" ez ezik, erabakia "guztiz baliogabea" dela uste du funtzionario taldeak.

Gaiaren inguruko berriak:

Gamerok atzo egindako salaketak "demagogikotzat" jo ditu Imazek (2004 Urr 20)

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun