"Torturatu eta espetxeratu gintuzten... " hitzaldia bihar Algortan

Erabiltzailearen aurpegia
Kepa Saratxaga, Arkaitz Goikoetxea, Endika Lejarzegi algortarrei eta beste sei gazteri, azaroaren 2tik 5era, Espainako Entzutegi Nazionalean egingo dieten epaiketaren harira, hitzaldia eskainiko dute Mikel Sotok eta Jorge Txokarrok, ostegun honetan, 19:30ean, Algortako Villamonte kaleko Kultur Etxean. Mikel Soto, Jorge Txokarro, Aurken Sola eta Ainara Gorostiaga iruindar gazteek bi urte eman zituzten kartzelan, "egin ez zuten hilketa batez akusaturik", Amnistiaren Aldeko Mugimenduak arabera. Hiru algortarren eta gainontzeko gazteen egoera, berriz, "eskandalu izugarritzat" jo dute.
Hala ere, biharkoa ez da epaiketa horren inguruan egingo den ekitaldi bakarra izango. Oraindik ere mobilizazioen egutegia osatzen ari diren arren, beste hitzaldi bat antolatu dute urriaren 28rako. Egun horretan Gurasoak elkarteko kideek hartuko dute hitza, kale-borrokaren inguruan egindako "gazteen kriminalizazioa" eta ezartzen zaien "bizitza osorako espetxe zigorren" nondik-norako politikoen gainean, 20:00etan, Villamonten. Azkenik, epaiketaren lehenengo egunean enkartelada egingo du Gurasoak-ek, 10:00etan, Bilboko Epaitegien aurrean (Buenos Aires kalea). Eta azaroaren 2tik 5era mobilizazioak daude deituta, 20:00etan, Algortako Telletxe plazan.

Algortako Amnistiaren Aldeko Mugimenduak adierazi duenez, "ekitaldi eta mobilizazioez gain modu asko daude muntaia politiko-polizial hau salatzeko: kartelak jartzea norberaren lantoki edo ikastetxean, informazioa zabaldu edo mobilizazioak antolatzea. Denoi dagokigun arazoa da. Inork ez dezala esan ez dakiela zer gertatzen ari den, zer-nolako eskandaluaren aurrean gauden... ".

Gaiaren inguruko berriak:

Kepa Saratxaga, Endika Lejarzegi eta Arkaitz Goikoetxeari 22na urteko kartzel zigorra jarri nahi diete (2004 Urr 08)

Mikel Soto / preso ohia: "Hemen guztiek dakite torturatu egiten dela, baina arazoak daude salatzeko" - Berria (2004 Mar 31)

Informazio gehiago:

e-mail: oihua@barrutik.org

Oihu@ artxibategia: fitxategi guztiak

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun