Aimar Hidalgorentzat espetxe zigorra eskatu du fiskalak

Erabiltzailearen aurpegia
Eusko Jaurlaritzako Herrizaingo Sailak jakinarazi duenez, gaur goizean eraman dituzte Madrilera, kale erasoekin zer ikusia dutelakoan, atzo atxilotutako hiru lagunak. Eta bertan, Auzitegi Nazionaleko epailearen esku utzi dituzte. Besteak beste, Aimar Hidalgo algortarra izan da deklaratzen lehena, Gara egunkariko edizio digitalean adierazi dutenez. Fiskalak espetxe zigorra eskatu du gaztearentzat eta oraindik epaileak ez du erabakirik hartu. Ander Suberbiola donostiarra eta Zeber Zubiaga elorriotarra, berriz, arratsaldean pasako dira epailearen aurretik. Atxilotuen herritan manifestaldia deitu dute gaurko egunerako. Algortan, Telletxe plazatik abiatuko da manifestaldia, 19:00etan.
Gaiaren inguruko berriak:

Aimar Hidalgorentzat espetxe zigorra eskatu du fiskalak - Gara

Atzo atxilotutako hiru gazteak Espainiako Auzitegi Nazionalera eraman dituzte - Berria

Kale istiluetan parte hartu dutelakoan atxilotutako hiru lagunak Auzitegi Nazionalera eraman dituzte - EITB24

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun