Gameroren adierazpenak "manipulazio lizuntzat" jo ditu Leioako alkateak

Erabiltzailearen aurpegia
Leioako zinegotzia ere den Iñaki Gamero PPko legebiltzarkideak "Ikastetxean Euskaraz Jolasten" ekimenaren inguruan egindako adierazpenak "larriak eta bidegabeak" iritzi die Karmelo Sainz de la Maza alkateak. Egitasmoaren bidez, jolas-orduetan euskararen erabilera bultzatu nahi dutela aitortu du berak, "baina beti ere gurasoen eta eskola-umeen askatasunean oinarrituz". Hizkuntza ikasteko murgiltze-programak Europa osoan egiten direla adieraztearekin batera, "manipulazio baldarra eta lizuna" egitea leporatu dio PPri Sainz de la Mazak. Izan ere, "ikasketa teorikoak baino haratago joanez", hizkuntza ikasteko horrelako ekimenak "beharrezkoak" direla uste du Leioako alkateak, "ikasleek benetazko egoera komunikatiboak bizi ditzaten".
Hainbat hedabideei helarazitako gutunaren bidez, popularrek baino ez zutela "Ikastetxean Euskaraz Jolasten" egitasmoaren kontrako botua eman gogoratu nahi izan zuen atzo Karmelo Sainz de la Maza alkateak. Izan ere, Hezkuntza Batzordean, Leioako PSE-EEk baiezkoa "argi eta garbi" eman zuen arren, jokoen bidez euskararen erabilera sustatzeko ikastetxeetako jolastoki eta jantokietan begiraleak jartzea kritikatu zuten ondoren sozialistek.

Halaber, EAEko hezkuntza sistema goraipatu zuen udal mandatariak gutunean, "hiru hizkuntz eredu eskaintzen duelako eta hiritarrek bat edo beste aukeratzeko askatasun osoa dutelako". Ildo horretan, Leioako Euskara Zerbitzuak abian jartzen dituen zerbitzu guztiak "borondatezkoak" direla gogoratu zuen Sainz de la Mazak, "eta inoiz ez "derrigorrezkoak", Gameroren salaketak ukatuz. Izan ere, neska-mutikoak euskaraz hitzegitera "behartu" nahi dituztela adierazi zuen popularren ordezkariak.

Gaiaren inguruko berriak:

"Ikastetxean Euskaraz Jolasean" ekimenaren aurka jotzeko eskatu dio Luesmari Manos Limpiasek (2004 Urr 20)

Gamerok atzo egindako salaketak "demagogikotzat" jo ditu Imazek (2004 Urr 20)

Eusko Legebiltzarreraino eraman du Leioako PPk "Ikastetxean Euskaraz Jolasten" ekimenari egindako kritika (2004 Urr 19)

Euskararen erabilera sustatuko dute jolas-orduetan Leioako ikastetxeetan (2004 Urr 12)

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun