Gaur egun estuegia den errepide zatian, autobusek bira egitea ahalbidetuko du errotondak. Horretaz gain, sarbide berria egingo dute oinezkoentzat. Orotara, 300.000 euroko aurrekontua dute lanek.
Errepide berria
Beste alde batetik, Urdulizerako errepide nagusian bi errotonda gehiago egingo dituzte. Bizkaiko Foru Aldundiko jabegokoa bazen ere, duela pare bat astetik Sopelako Udalak dauka errepide horren ardura, Lan Publikoetarako foru arduradunekin lortutako hitzarmenari esker. Jada obrak egiten hasi dira Larrondo Baserri ondoan zein Larragoitiko zubiarekin lotzeko eremuan (Sopela eta Urdulizko industrigunera sarrera, Garbigunetik hurbil). Lehenengo errotondak laster eraikiko den oinezkoentzako zubira sartzea ahalbidetuko du. Bigarrenean, berriz, asfaltaturiko eremuaren maila metro bat eta erdi jaistea erabaki dute, trenbidearen behekaldetik igarotzen diren kamioiek sartzea errazago eduki dezaten.
Errotonda biak trafikoa bideratzea erraztuko dute. Izan ere, Imanol Garai alkateak azaldu duenez, "kotxeak abiadura handian doazela da errepide horren arazoa. Behin baino gehiagotan egon dira auto-istripuak eta hildakoak. Errotonda biek abiadura murriztera behartuko dituzte gidariak, arrisku egoerak saihestuz".
Gaiaren inguruko berriak:
Arrietara inguruetara kotxeak sartzeko debekua mantenduko dute (2004 Ira 20)
Atxabiribil hondartzara doan errepideko azken zatian oinezkoen gunea egiteko asmoa iragarri dute Sopelako udal arduradunek. Besteak beste, areatzaren goiko aldean dagoen aparkalekurako sarbideen eta El Peñon-eko errotondatxoaren artean moztuko dute zirkulazioa. Orain egun batzuk Imanol Garai alkateak adierazi zuenez, baliteke aurtengorako martxan egotea aipatu neurria, behintzat horrela espero dute. Izan ere, Bizkaiko Foru Aldundiak horretarako ematen duen dirulaguntza eskuratu nahi du Udalak. "Lan Publikoetarako foru sailarekin hitzarmena sinatzeko agiri guztiak prestatzen ari gara. Aparkalekurako errotonda eginez, trafikoa hobeto banatu da", azaldu zuen udal mandatariak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun