CDaren diseinua egin beharko da, liburua eta mapak jasotzen duten informazioa hartuz eta Getxoko eraikin esanguratsuen irudiekin osatuz (etxe bakoitzaren inguru osoa ikusteko 360 graduko bira egitea ahalbidetzen dutenak). Aipatu azterlanean lekurik esanguratsuenak bisitatzeko agertzen diren zazpi ibilbide garrantzitsuenak ere sartu beharko dira. "Ez dira ibilbide oso luzeak izango, herritarrak egitera anima daitezen erraz burutu daitezkeenak baizik", Iñaki Zarraoak alkateak zehaztutakoaren arabera.
Nagusiei zuzendutakoaz gain, 6 eta 12 urte arteko gaztetxoei zuzendutako beste atal bat edukiko du CDak. Fikziozko pertsonai batek udalerriko toponimiaren aurkezpena egingo die neska-mutikoei eta, gutxienez, gaiari lotutako bost joko izngo ditu.
Guztira, 2.000 ale argitaratuko dira, ziurrenik, saldu eta ikastetxe eta liburutegietan banatzeko.
Herriko hainbat ibilbide eta jokoak batuko ditu CDan Getxoko Udalak
2004ko urr. 21a, 22:58
Udalerriko toponimia batuko duen euskarazko CDa egitea aginduko du Getxoko Udalak. Besteak beste, zazpi leku esanguratsuen gaineko hainbat ibilbide eta bost joko elkarreragile jaso eta bi atal izango ditu: bata nagusientzat, eta bestea haurrentzat. Bere egunean udalerriko toponimoen ikerketa egiteko eman zen bekaren lanetik sortutako materiala oinarritzat hartuz, Udalak aurten argitaratutako 1.200 sarreretik gorako liburuari eta azterlanaren gai berezienak batzen dituen mapari gehituko zaizkio euskarri berriak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun