Beste batzuek galdetzen dute ea zergatik ez ote duen munduko biztanleri osoak Inperioaren bozetan parte hartzeko eskubidea. Izan ere, Estatu Bauetako eskuduntza asko planetarioak direla esan daiteke. Euren babesa edonon gauzatzeko ahalmenaren azpian interesak nonahi defendatzeko politika erasotzailea gordetzen dute. Bush presidentearen kontrako mugimendu zabala eratu da AEBetan, gerraren irudia dela eta, kritika zorrotzak zuzendu dizkiote iparamerikarrek beraien presidenteari. Egoera berezirik ez litzateke izan behar, baina Estatu Batuetan, eskasak dira nazio mailako protestak.
Latzena da joko honetako bi hautagaiek politika berari eusteko panpinak baino ez direla, mundua zoroetxe arriskutsu bat bihurtzen duen sistemari jarraipena emango baitio Bushen aurkari hautagai demokratak azaroko bozak irabazten baditu. Ikusteke Irakekin zer gerta litekeen, zan ere, Espainiako bidea jarraitzeko asmorik agertu du Kerryk inoiz. Bandera izardunekin estalitako zerraldoak, Vietnameko gudan gertatu bezalaxe, lanabes bikaina dira hauteskundeak irabazteko.
Ari dira dagoeneko hauteskunde prozesuan estatubatuarrak. Eguna heldu ez den arren, zenbait estatuko legeek baimentzen dute aurretiko boza egitea. Askok dira aukera horretaz baliatu direnak, oraingoan, 2000 urtean gertatutakoa errepika ez dadin. Izan ere, harrigarria da nola Estatu Batuetako herritar gehienek (inkestei kasu eginez gero) onartzen duten aurreko hauteskundeetan azpijokoa egon izana eta horrek ondoriorik ez izatea. Alderdi demokratak 10.000 abokatu izango ditu bozen egunean, inork bere eskubidea galarazita izan ez dezan, zenbait estatuko beltzei gertatu bezala duela lau urte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun