Aipatu mozioan irakur daitekeenez, "EAEren garapena, progresua eta modernizazioa ahalbidetu duten beharrezko mekanismoak eta tresnak antolatu ditu Estatutuaren Markoak, Kontzertu Ekonomikoa batipat". Hain zuzen ere, "prentsamolde ezberdinen elkargune" bezala goraipatzen du. Ildo berean, "gaur egun indarrean dagoen marko juridiko-politikoak, ongizateari dagokionez, EAE komunitate automikoen buru izatea ahalbidetu" duela aipatzen du idatziak.
Hori dela eta, "gaur inoiz baino gehiago", Espainiako Konstituzioa eta Gernikako Estatutua "erabat indarrean" daudela uste du PPk, "egonkortasun instituzionala eta elkarbizitza bermatzeko tresna bakarrak" direlako. "Horrekin apurtzeko proposamenek gatazka, ezegonkortasuna, pobretzea eta bazterketa politikoa baino ez dute ekarriko", aipatzen dute.
Hain zuzen ere, "Gobernu Zentralak hitzartutakoa bete ez duelako, Estatutua hilda dagoela dioten guztiei faltsukerietan ibiltzea" egozten diete popularrek, Ibarretxeren proposamenari erreferentzia eginez.
Gernikako Estatutua "erabat indarrean" dagoela aldarrikatzea eskatu dio Udalari Getxoko PPk
Uribe Kosta eskualdean ez da Gernikako Estatutuaren 25. urteurrena ospatzeko inolako ekitaldi ofizialik antolatu. Hala ere, gaurko eguna aprobetxatu du Getxoko PPk horren inguruan ostiral honetako udalbatzara (urriak 29) eramango duten mozioa aurkezteko. Besteak beste, Estatutua "erabat indarrean" dagoela aldarrikatu dezala eta Eusko Jaurlaritzari urriaren 25a EAEko "jaiegun instituzional" izendatzea eskatu diezaiola exijituko diote popularrek udal gobernuari. "Nora eramango gaituzten ez dakigun saiakuntzarik ez dugula nahi adierazteko egun aproposa da", aipatu du Marisa Arrue popularren bozeramaleak. Izan ere, "suizidiotzat eta ekonomia eta gizarte hondamenditzat" jo du Juan Jose Ibarretxe lehendakariaren proposamena, "batipat Legediak ezarritako prozeduretatik kanpo dagoelako". Ildo horretan, Gernikako Estatutua "bizikidetza, pluraltasun eta EAEko aurrerapenaren ardatza" dela dio PPko zinegotziak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun