Ildo horretan, erakunde armatuko kideak "eta euren lagunak merezi duten tokian, hau da, kartzelan" egon behar direla adierazi du zinegotzi popularrak, "hain zuzen ere hori delako herritar guztiak libreago egiten dituena". Arruek gaineratu duenez, "ezer gutxi negoziatu daiteke terroristekin, errenditu eta armak utz ditzatela ez bada". Izan ere, bere hitzetan, "bakea ezin da negoziatu, horixe bera urratzen dutenekin, herritar zintzoak erahilez, baituz edota horiei estortsioa eginez".
Getxoko PPko bozeramaleak azaldu duenez, "horrelako polizia operazioengatik poztu egin beharko litzateke Getxo bezalako udalerri bat, ETAk askotan eraso duelako, euren ideiak defenditzeagatik pertsona askok bizkarzainarekin irten behar direlako kalera eta iraultza zergaren bidez estortsioa egiten zaien auzotar asko dagoelako" bertan.
Azkenik, "beldurragatik edota presioengatik, indarkeria erabiltzen dutenen aurrean amore ematea eta benetako biktimak baztertuz beraien alde jartzea ez da onargarria Zuzenbidezko Estatuak", Arruek esan duenez, Eskoriatzan gertatutakoa gogora ekarriz.
Urriaren hasieran, ETAren ustezko buruzagien atxiloketarekin amaitu zen polizia operazioa dela eta, udal erakundeak Espainiar Estatuko Segurtasuneko Indar eta Gorputzak zoriondu ditzala eskatzeko mozioa aurkeztuko du, ostiraleko udalbatzan, Getxoko PPk. Marisa Arrue aipatu alderdiko bozeramaleak adierazi duenez, "gaur libreagoak gara guztiok, hori dela eta, polizia operazioa aurrera eraman dutenek gure esker ona merezi dute". "Hain zuzen ere, ETAren aurkako polizia lanaren iraunkortasuna eta epaileen jarduera dira terroristak ahultzea ahalbidetzen ari direnak. Horrek ekarriko du beraien amaiera, eta ez sentsurik gabeko elkarrizketarako proposamen faltsuak", gaineratu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun