Mikel Sotok, bere kasua gogoratuz, urriaren 21ean Algortan emandako hitzaldian esan zuenez, "ez gara hasiko eztabaidatzen Aimarrek horretan zerikusirik eduki duen ala ez, ez diegu esango Aimarrek deklaratutakoa sinistu behar dutenik ere. Guk exijitu exijitzen dugu espetxeratu eta zigortu nahi badute benetako eta funtsezko frogak aurkeztu ditzatela gutxienez. Bitartean, Aimar, euren legeen arabera ere, kalean izan beharko litzatekeela aldarrikatu nahi dugu".
Kepa Saratxaga, Arkaitz Goikoetxea, Endika Lejarzegi algortarrei eta beste sei gazteri, azaroaren 2tik 5era, Espainako Entzutegi Nazionalean egingo dieten epaiketaren harira eman zuen hitzaldia iruindar gazteak.
Gaiaren inguruko berriak:
Aimar Hidalgo eta beste bi gazteak espetxera bidali dituzte (2004 Urr 22)
Informazio gehiago:
e-mail: oihua@barrutik.org
Oihu@ artxibategia: fitxategi guztiak
Aimar Hidalgori leporatutakoa zalantzan jarri du Amnistiaren Aldeko Mugimenduak
Ustez 2000ko abuztuan hainbat autobus eta kutxazain automatiko erretzeagatik, urriaren 20an atxilotutako Aimar Hidalgo algortarra Soto del Real (Madril) espetxean dago. Kale-istilu horiekin inolako zerikusirik daukanik ukatu du berak eta Uribe Kostako Amnistiaren Aldeko Mugimenduak ere leporatzen zaizkion delituak "oraindik ondo argitu gabe" daudela adierazi du. Hain zuzen ere, oihu@ agerkari digitalean (2004 Urr 24) aipatutakoaren arabera, "prentsan agertu denez, Ertzaintzak dio kale-eraso baten ostean kaputxa bat topatu zuela gertakarien inguruetan eta kaputxa horrek Haimarren ADNren aztarnak zituela". Hala ere, "Ertzaintzaren jokabideak ezagututa" froga horrek "inolako baliorik ez" daukala adierazi dute amnistiaren aldeko mugimendukoek, eta gutxienez, "legearen ikuspegitik zalantzan jarri beharrekoa" dela. Bestela ere, joan den asteko atxiloketek "Eusko Jaurlaritzaren politika jokuen interesei" erantzuten diela salatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun