Euskaraz eta itzultzaile gabe epaitzeko eskatu zuen Gabi Basañezek 2002ko otsailean, epaiketako auzi saioak hasi zirenean; hainbat ahalegin egin dira, baina ez dute lortu epaiketa egitea.
Gaiaren inguruko berriak:
Itzultzaileekin egindako epaiketak legezkoak diren galdetu dute - Berria (2004 Aza 02)
Hogeita hamabi hilabete epaiketaren zain - Berria (2004 Aza 02)
Euskaraz epaitua izateko eskubidea aitortu diote EHEko kideari hiru epailek
2004ko aza. 2a, 22:43
Euskal Herrian Euskarazeko (EHE) kidea den Gabi Basañez sopeloztarra gustura agertu da Bilboko Zigor Auzitegiko Lehen Aretoko hiru epaileek itzultzailerik gabe eta euskaraz epaitua izateko eskubidea duela esan diotelako Espainiako Auzitegi Konstituzionalari. Euskara erabili gura duenari eskubide hori ukatzeak eta itzultzaileak erabili behar izateak Espainiako Konstituzioa urratzen duen edo ez argitzeko eskaera ofiziala egin zuten, joan den hilean, Ruth Alonsok, Nekane San Miguelek eta Edorta Herrerak. Besteak beste, herritarrek euskaraz eta itzultzaile gabe epaituak izateko eskubidea dutela esatea, eta hori aitortzeko eskatzen diote Auzitegi Konstituzionalari. Hala ere, Basañezek ez du konfiantza handirik hartuko duten erabakian. Argazkian, Gabi Basañez EHEko kidea.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun