Estatuaren abokatuak presoen senideei dirulaguntzak ematea adosten duten udal akordioen baliogabetasuna lortu nahi zuen. Bestalde, errekurtsoa aurkezteko, Getxo Udalak ez zuen estatuaren abokatua legitimotzat hartzen eta gainera auzia epetik kanpo aurkeztu zuela argudiatu zuen. Era berean, dirulaguntza horiek emateko eskuduntza aldarrikatzen zuten udal arguradunek.
Aipatutako sententzian gaiari lotutako legediari erreparatu dio epaileak, udalen eta bestelako erakundeen arteko eskuduntzen banaketa zehazten duen 1996ko Euskal Legebiltzarraren Gizarte Zerbitzuetako Legea aipatuz. Baita kontzientzia eragozleen eta intsumisoen defentsa ordaintzeko tokian tokiko eskuduntza onartzen duen Espainiako Auzitegi Goreneko epaia ere. Aldi berean, udal-eskuduntzak “auzokideen interesen eta nahien arabera” interpretatu behar direla adierazten du udal autonomiak epailearen hitzetan, “gutxiengoko taldeei gizarteratzeko ahalmena” onartzearekin batera.
Udalak presoen eta euren familien arteko harremanak eta, horrekin batera, beraien gizartearekiko lotura errazten duen politika eraman dezakeela berresten du epaiak. Eta bide batez, ekintza hauekin bere eskuduntza ez den espetxe politikan ez dela sartzen azpimarratzen du, baizik eta “udalerriko bizilagunen bizitzan sortzen diren egoeren inguruan, horretarako ahalmena duelako”.
Gaiaren inguruko berriak:
Getxoko presoen senitartekoei laguntzak bertan behera utzi ditu epaileak (2004 Api 02)
Presoen senideei dirulaguntzak epaitegira eramango ditu Espainiako Abokatutzak (2004 Mar 08)
Presoen senideen dirulaguntzen berri emango du Estatuko Abokatutzan Getxoko PPk (2004 Ots 23)
ETAri laguntzea egotzi die Zarraoa eta IU-EBri Getxoko PSE-EEk (2004 Ots 23)
Bilboko Auzitegiko laugarren aretoak ez du onartu, Getxoko Udalak herriko euskal preso politikoen senideei ematen dizkien dirulaguntzak direla eta, Espainiako Abokatutzak tokiko erakundearen kontra aurkeztutako administrazioarekiko auzi-errekurtsoa. Gaur goizean Iñaki Zarraoak alkateak ezagutzera emandako epaiaren arabera, gaia estatuaren administrazioaren eskuduntzetatik kanpokoa da. Aipatu beharra dago aspaldikoa dela kontua. Izan ere, otsailaren 23an, dirulaguntza horien bitartez, "zeharka bada ere, ETAri laguntzea" leporatu zion Iñaki Zarraoa alkateari eta IU-EBri Getxoko PSE-EEk, eta Carlos Urquijo EAEn Espainiar Gobernuko ordezkariari eta Espainiko Abokatutzari horien berri emango ziola adierazi zuen PPk. Aipatu erakundeak errekurtsoa aurkeztu zuen ondoren eta epaileak dirulaguntzak bertan behera uztea erabaki zuen apirilean helegitea ebatzi artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun