Horretaz gain, komunak, taberna, horretarako biltegia, bilera aretoa eta instalaziotako lokala izango dituen eraikina egingo dute instalazio berrietan. Harmailen azpian zortzi aldagela, arbitroentzako aldagelak, masajistentzako lokalak eta biltegia egingo dira. Hamabost hilabete inguru beharko dituzte lanak burutzeko.
KZgunea berria
Beste alde batetik, azaroaren 24tik aurrera, KZgunea izango du Astrabuduak Atxutegi kalean. Izan ere, Altzagakoak duen jende pilaketa eta erabiltzaile hazkundea dela medio, informatika prestakuntzarako zentro berria ireki behar izan du Erandioko Udalak. Astrabuduko Kzgune berria Altzagako Jado kalekoaren antzekoa da zerbitzu eta lekuari dagokionez. 300 metroko azalera izango du eta bertan 16 ordenagailu egongo dira. Udal jabegoko eraikin horretan auzoko euskaltegi berria ere egongo da.
Bi futbol-zelai berri egingo dituzte Astrabuduan
2004ko aza. 11a, 22:23
Erandioko Udalak 2.973.696,70 eurotan esleitu ditu Astrabuduko futbol-zelai berriak eta horien instalazio osagarriak egiteko lanak. Gabonen aurretik hasiko dira egiten, baina egun horien ostean izango dira hondeaketa lanik handienak. Belar artifizialeko futbol zelai nagusi bat (104 x 65 metro), txikiago bat entrenamenduak egiteko, (49,50 x 27 metro) eta 642 ikuslerentzako harmaila estaliak jarriko dituzte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun