Getxo Biziako kideen hitzetan, "kultura eta gizarte ekimenetarako lokalak izan eta eurek kudeatzeko eskubidea aitortu eta aukera eman behar zaie herriko gazteei".
Asko dira Algortako Gazte Asanbladako kideak jasotzen ari diren elkartasun mezuak. Atzo bertan, Segik ere bere elkartasuna azaldu nahi izan zien. Horretaz gain, gaztetxearen lorpenaren borrokan jarraitzeko deia egin zion gazte mugimenduari, "eraso guztien gainetik!".
Gaiaren inguruko berriak:
Algortako gazteen aurkako epaiketa hasi da gaur - Gaztesarea
Gaur deklaratu behar izan duten Algortako Gazte Asanbladako lau kideei eta Aixerrota Gaztetxearen desalojoan auziperatutako beste zazpi gazteei elkartasuna adierazi die Getxo Bizia herri plataformak. Erakundearen arabera, "iniziatiba kulturalak polizial eta judizialki erreprimitzea egin behar denaren guztiz kontrakoa da. Lokalik ezean urteak hutsik daramatzaten etxeak kultura libreki garatzeko atontzea, delitua baino ekimen sozialki positiboa da". Bihar 20:30eko manifestazioan parte hartzeko deitu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun