Azken ikastaroa hau Berangon erroldatutako emakumeei zuzenduta dago, 12 euroren truke. Hain zuzen ere, 12 eskola eta jarraipen sesio batek osatzen dute egitaraua. Azaroaren 22ra arte edukiko dute izena emateko aukera parte hartu nahi dutenek.
Bestalde, udaberrirako Lorazaintza eta Lehen Sorospenak ikastaroak iragarri dituzte.
Azarotik martxora hirugarren adineko eta elbarrien zaintzari buruzko ikastaroa antolatu du Berangoko Kultur Etxeak. Horretan parte hartzeko, udalerrian erroldatutako guztiek eman ahal izango dute izena azaroaren 26ra arte, Santa Ana zein Berangoeta kultur zentroetan. Beatriz Condek emango ditu eskolak, aipatutako bigarren aretoan, asteazkenero. Bi orduko 12 sesiotan banatuta dago ikastaroa. Horretaz gain, antsietatea kontrolatzeko teknikak ikasteko mintegia egingo dute ostegunetan, Teresa Alonso psikologaren eskutik. Antsietateak eragiten dituen egoerak aztertu eta horiek sortzen dituzten arazoak arrazionalizatzen ikasiko dute parte-hartzaileek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun