Gehiegizko inbertsio publikoa iritzi diote aditu europarrek proposamenari. Oinarri etikoa Darwinismo sozialera mugatzen duen merkatu ekonomia neoliberalak, efizientzia darabil sektoreen biziraupenerako dogma moduan. Adam Smithen esku ikusezinak orekatutako inbertsio pribatuaren bidez. Espezializazioari ikuspegi global batetik begiratuta, kapitala jartzen duenari, mundu mailan konparatiboki egokia den, errentagarritasunik sortzen ez dion sektore orok desagertu beharra dauka. Naturan egokitu ezin duten izakiei gertatu bezala. Gizartean, ostera, errekonbertsio ekonomikoek sortzen dituzten desoreka eta pobrezia poltsak ez ei dira ekuazioko aldagai moduan hartzen. Beste behin ere Noam Chomskyk azaldutako hautesleri dualaren arazoarekin egin dugu topo. Hots, aldaketa ekonomikoak ematen diren gizartean bizi ez diren finantza eragile globalen esku dagoela azken erabakia. Zertarako aukeratzen ditugu orduan gure ordezkari politikoak? Erantzun gaitzeko galdera interesgarria.Bake soziala birrintzen duen tentsionamendua baino ez da geratzen halakoetan. Berriz ere, inpotentziaren sua ikusiko dugu Sestaoko kaleetan.
Iritzi artikulu hau Berria egunkarian argitaratua izan da 2004ko azaroaren 19an
Inpotentziaren sua - Fredi Paya / bertsolaria
2004ko aza. 19a, 21:09
Bruselak SEPIren holding publiko-pribaturako proiektua baztertu du. Lehenago ere Sestaoko beharginen etorkizuna nahikoa beltza bazen, atzerapauso berri honek estatu osoko ontziolak urtarrilaren 25ean amaituko den agonian utzi ditu. Heriotzaren zain.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun