Maruri-Jatabetik etorriko da, Andrakatik sartuz, hortik aurrera, Lemoiz, Gorliz, Plentzia, Barrika, Sopela, Algorta, Itzubaltzeta eta Areeta igaroko ditu, Bizkaiko Zubia hartzeko eta Ezkerraldera abiatzeko. Lehenengo ordutegiaren arabera (guztiz behin behinekoa), lekukoa goizeko 6:03etan sartuko litzateke Uribe Kostan eta 9:51etan helduko litzateke Portugaletera.
Euskaldunberriak omenduko dituzte
Bestalde, Korrikaren 14. edizioak euskaldunberri guztiak omentzeko asmoa dauka, eta milaka herritar hauek ordezkatzeko Andolin Eguzkitza hartu dute sinbolotzat AEKkoek.
Aurreko edizioan bezalaxe, eta Korrika finantziatzeko, lasterketa baino lehen AEKk "Korrika laguntzailea" kanpainari ekingo dio.
Gaiaren inguruko berriak:
Orreaga-Bilbo ibilbidea egingo du Korrikak 14. edizioan - 2004ko irailaren 27an
Edurne Brouard: 'Hemen bizi diren heldu guztiek jakin beharko lukete euskaraz' - Berria
Korrikaren 14. edizioa aurkeztu zuten atzo AEKko eledunek. UKBERRIk irailean aurreratu zuenez, Orreagatik Bilbora joango da lasterketa. Korrika datorren martxoaren 10ean abiatuko da eta 20an ailegatuko da Bizkaiko hiriburura, Euskal Herriko lurralde guztietako 2.150 kilometrotik "Euskal Herria euskalduntzen; ni ere bai!" leloa zabaldu ondoren. Uribe Kostatik lasterketa 2005eko martxoaren 19an pasatuko da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun