Korrika 14. edizioan parte hartzeko Uribe Kostarrok 2005eko martxora arte itxaron behar izango badugu ere, jadanik Ziberkorrikaren 3. edizioan mundu osoan zehar egin dezakegu korrika. Gainera, Euskal Herritik kanpo dauden euskaltzaleek ere euskararen lasterketa nagusian beren urratsak egin ditzakete Interneten bidez.
Korrika 14k Orreagatik Bilbora egingo badu ere, Ziberkorrikak hasieratik kontrako norabidea hartu du. Bilboko Zuhar Informatika enpresak izan du lehenengo kilometro birtuala egiteko ohorea. Handik aurrera Barañainera abiatu da ziberlekukoa, Mikel eta Arkaitz Ezkai anaien eskuetara, hain zuzen ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun