Diagnostiko hau aspaldi udal getxoztarrak euskara ikasi nahi zuten alorreko profesionalentzat -haurtzaindegi, haur ikastetxe eta partikularrak diren zaintzaile, sendagile eta erizain, eta gurasoentzat- agindutako dirulaguntzekin bat egiten dute.
Azterlanak hogeitahamar bat ikastetxe eta haurtzaindegietan izango du eragina eta hainbat fase izango ditu, orotara, urte amaitu aurretik hasi eta lau hilabeteko iraupena izango dutenak. Iñaki Zarraoak alkateak zehaztutakoaren arabera, "alor horretan euskera sustatzeko egin diren lan eta ekimenei buruzko informazioa batu eta, eragin beharreko eremua zehazteko aurreneko fase baten ostean, eragile eta inplikaturiko zentroei aurkeztuko zaie egitasmoa. Ondorengo fase batean, diagnostiko linguistikoa zehaztu eta jardunbide plana diseinatuko da helburu estrategikoak eta horiek lortzeko ekintzak finkatuz. Urtebeteren buruan diagnostikoaren eta plangintzaren gaineko ebaluaketa egingo da". Egitasmoa 27 mila bat eurotan esleitu da.
Euskararen erabilera aztertuko dute Getxo udalerriko haur hezkuntza zentroetan
2004ko aza. 22a, 21:53
Elhuyar-Zubide SL enpresari esleitu dio Getxoko Udalak udalerriko haur hezkuntzako ikastetxe eta haurtzaindegien diagnostiko sozio-linguistikoa eta ondorengo jardunbide egitasmoa egitea, arlo horretan, euskararen erabilera sustatzeko asmoz. Azterlanak, haurtzaroari bideratutako zerbitzuak eskaintzen dituzten enpresa-erakundeak, irakaskuntza ez unibertsitarioko ikastetxeak, haur eta gazteei eskolak ematen dizkieten akademiak, eta txikienei bideratutako erlijio-ekitaldiak antolatzen dituzten parrokia eta elizak ere hartzen ditu.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun