Euskal Herriko Ikasleen Gurasoen Elkarteak (EHIGE) antolatutako ekimenak, ikasle bakoitzeko euro bat biltzeaz gain, saharar herriarekiko elkartasun sentimendua bultzatu nahi du. Eta Zarraoak azaldu duenez, "aktiboki" parte hartzen du Getxok elkartasun kanpaina horretan.
Besteak beste, Saharako familien eskerrak igorri dizkie udal agintariei Bachir Mustafa Sayed-ek. Esan duenez, "Getxo oso ezaguna da Saharan, udan haur gehien hartzen dituen udalerria delako eta hainbat egitasmotan laguntzen duelako". Halaber, "Marokoko Erresumarekin duten gatazka konpontzeak dakarren fustrazioak gaindituz", saharar herria "kementsu" dagoela oraindik adierazi du Hezkuntza ministroak. Eta bitartean beren lurraldea lortzen dutenerako euren buruak prestatzen segitzen dutela gaineratu du.
Itxaropentsu
Zentzu honetan, itxaropentsu agertu da Bachir Mustafa Sayed, Hego Afrika bezalako herrialdeen onarpena jaso berri dutelako, Venezuelak emandako dirulaguntzak direla edota Marokon sortu den iritzi korronte berriagatik. Horren bultzatzaileak gatazka behin betiko konpontzeko erreferendum baten alde agertu dira.
Maima Mahmud Dajlako Emakumeentzako Hezkuntza Eskolako zuzendariak, berriz, mota honetako zentroetan egiten ari diren lana azpimarratu du. Ikasitakoaz gain, emakumeek saharar herriaren borrokan duten paperaren duintasuna goraipatzen delako.
Getxotik saharar errefuxiatuen kanpamentuetara bidaltzen diren laguntzak eskertu ditu udalerrira egindako bisitan Bachir Mustafa Sayed Saharako Errepublika Arabiar Demokratikoko Hezkuntza ministroak. Diru horrekin, lehen hezkuntzako eskola zaharberritu dute Aiun-en. Izan ere, "Adreilu bat, euro bat" lelopeko kanpainaren bitartez lortutakoarekik batera, iaz 28.000 euro eta aurten 18.000 eman ditu horretarako Udalak. Iñaki Zarraoa alkateak eta Imanol Landak Presidentzia zinegotziak egin diote harrera goizean SEADko ordezkariari.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun