Getxo Bizia herri plataformak, Pili Askorbebeitia Garaigordobil 2.756 getxoztarrek hautatutako ordezkariaren bitartez, iraileko udal batzarrean behin behingoz onartutako zerga ordenantzen aurrean hurrengoa adierazi nahi du:
1) - Administrazio agiriak jasotzeko tasa
- Autotaxien eta alokatzen diren gainerako ibilgailuen zerbitzuetako tasa
- Hirigintza zerbitzuetako eta obra lizentziako tasa
- Establezimenduak irekitzeko lizentziaren tasa
- Estolderia tasa
- Ibilgailuak herri bidetik kentzeko eta ibilgailuak udalaren lokaletan edukitzeko tasa
- Udalaren jabari publikoa okupatzeko tasa
- Udal merkatuen zerbitzua emateagatiko tasa
- Osasun publikoa eta gizarte zerbitzuak jasotzeko tasa
- Fadura udal kiroldegian kirol eta kulturako jarduerak egiteko eta zerbitzuak jasotzeko tasa
- Andres Isasi musika eskolan zerbitzuak jasotzeko tasa
- Jesusen Bihotza udal egoitzan egoteko eta laguntza jasotzeko tasa
- Udal establezimenduetan irakaskuntza berezien zerbitzuak emateagatiko tasa
- Hiri lurren balio gehikuntzaren gaineko zerga
- Trakzio mekanikodun ibilgailuen gaineko zerga
- Eraikuntza, instalazio eta obren gaineko zerga
- Ekonomi jardueren gaineko zerga, eta
- Ondasun higiezinen gaineko zerga arautzen duten zerga ordenantza guztiak, bai indarrean dauden 2004 urteari dagozkionak eta bai 2005 urterako aldarazteko berriak, eta ordenantzen aldarazpena justifikatzen duten teknikarien txosten ekonomiko guztiak gaztelania hutsean daudela idatzita, euskaldunon hizkuntza eskubideak urratuz.
2) Estolderia tasa arautzen duen eta indarrean dagoen zerga ordenantzak kontsumitutako ur m3 bakoitzeko 0.14€ko tarifa bakarra dakar. Behin behingoz onartutako 2005 urterako zerga ordenantza aldarazian tarifa 0.15€koa da, %7tik gorako igoera ezarriz. Espedientean agertzen den eta irailaren 13an dagokion teknikariak sinatutako txosten ekonomikoa beste hainbat tasa aldarazteko epedientetako txosten beraren kopia da, non bataz besteko %3,5eko igoera aipatu eta justifikatzen den.
Honen aurrean aipatu zerga ordenantzetako aldarazpenak eta iraileko udal batzarrean eginiko behin behineko onespenak baliogabeak direla aldarrikatu eta akatsak zuzendu ondoren tramitazioa berriz hasteko eskatzen dugu.
Getxon, 2004ko azaroaren 11n
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun