Getxoko Udalaren osoko bilkurari

Pili Askorbebeitia Garaigordobil, 2.756 getxoztarrek hautatutako herri ordezkariak Getxoko Udalaren Osoko Bilkuraren aurrean aurkezten du bere burua eta hurrengoa

Adierazten du:

2004ko irailaren 24ko udal batzarrean behin behineko onespena eman zitzaiela hurrengo udal tasak eta udal zergak arautzen dituzten zerga ordenantzei:

- Administrazio agiriak jasotzeko tasa
- Autotaxien eta alokatzen diren gainerako ibilgailuen zerbitzuetako tasa
- Hirigintza zerbitzuetako eta obra lizentziako tasa
- Establezimenduak irekitzeko lizentziaren tasa
- Estolderia tasa
- Ibilgailuak herri bidetik kentzeko eta ibilgailuak udalaren lokaletan edukitzeko tasa
- Udalaren jabari publikoa okupatzeko tasa
- Udal merkatuen zerbitzua emateagatiko tasa
- Osasun publikoa eta gizarte zerbitzuak jasotzeko tasa
- Fadura udal kiroldegian kirol eta kulturako jarduerak egiteko eta zerbitzuak jasotzeko tasa
- Andres Isasi musika eskolan zerbitzuak jasotzeko tasa
- Jesusen Bihotza udal egoitzan egoteko eta laguntza jasotzeko tasa
- Udal establezimenduetan irakaskuntza berezien zerbitzuak emateagatiko tasa
- Hiri lurren balio gehikuntzaren gaineko zerga
- Trakzio mekanikodun ibilgailuen gaineko zerga
- Eraikuntza, instalazio eta obren gaineko zerga
- Ekonomi jardueren gaineko zerga
- Ondasun higiezinen gaineko zerga

Bizkaiko Aldizkari Ofizialean zerga ordenantzen behin behineko alderazpenen berri urriaren 5ean eman zela, hurrengo egunetik hasita 30 eguneko epea irekiz herritarrek espedienteak ikusi eta balizko alegazioak egiteko.

Espedienteak ikusita zerga ordenantzak eta aldarazpenak justifikatzeko txosten ekonomikoak euskaraz irakurtzerik ez dagoela eta beste hizkuntza batean daudela idatzita.

Zerga ordenantza guzti hauen behin behineko onespenak adosten ditzuten ebazpenak zuzentzerik ez duten deuseztasun akastunak direla, eta 30/1992 (LRJAP-PAC) indarrean dagoen legearen 102 artikuluan aurreikusitakoaren arabera aipatu ebazpenen kontra DEUSEZTASUN EKIMENA (“acción de nulidad”) egikaritzen duela.

Zuzenbide oinarri formalak:

Lehenengoa. - Zilegitasuna:

Herritar gisa eta interes orokorrari begira, deuseztasun akatsak izanik aurrerago alegatuko direnak. Horrez gain 2003ko maiatzeko udal hauteskundetan 2.756 herritarren bozek emaniko udal hautetsi izaerari dagokiona.

Bigarrena. – Eskumena:

Getxoko Udaleko Osoko Bilkurari zuzentzen zaio, inpugnatzen den ebazpena eman zuen organoa izanik berrikuspenerako eskumenduna ere badelako.

Zuzenbide oinarri sustantiboak:

Bakarra:

- Administrazio agiriak jasotzeko tasa,
- Autotaxien eta alokatzen diren gainerako ibilgailuen zerbitzuetako tasa,
- Hirigintza zerbitzuetako eta obra lizentziako tasa,
- Establezimenduak irekitzeko lizentziaren tasa,
- Estolderia tasa,
- Ibilgailuak herri bidetik kentzeko eta ibilgailuak udalaren lokaletan edukitzeko tasa,
- Udalaren jabari publikoa okupatzeko tasa,
- Udal merkatuen zerbitzua emateagatiko tasa,
- Osasun publikoa eta gizarte zerbitzuak jasotzeko tasa,
- Fadura udal kiroldegian kirol eta kulturako jarduerak egiteko eta zerbitzuak jasotzeko tasa,
- Andres Isasi musika eskolan zerbitzuak jasotzeko tasa,
- Jesusen Bihotza udal egoitzan egoteko eta laguntza jasotzeko tasa,
- Udal establezimenduetan irakaskuntza berezien zerbitzuak emateagatiko tasa,
- Hiri lurren balio gehikuntzaren gaineko zerga,
- Trakzio mekanikodun ibilgailuen gaineko zerga,
- Eraikuntza, instalazio eta obren gaineko zerga,
- Ekonomi jardueren gaineko zerga eta
- Ondasun higiezinen gaineko zerga arautzeko zerga ordenantzak euskaraz idatzita ez daudela, azaroaren 24ko 10/82 Euskararen Legea eta zehazki gutxienez 8. artikulua urratzen direlarik.

Agertutakoa dela eta,

Eskatzen du:

Idatzi hau epe eta forma egokitan aurkeztutzat eman, onartu dadila eta ondorioz birritan aipatu zerga ordenantza guztien aldarazpenak behin behingoz onartzeko Getxoko Udaleko Osoko Bilkuraren akordioak eskubide osoz deusez deklaratu daitezen.


Getxon, 2004. urteko azaroaren 11n eskatzen dena.