Oraindik etxea behera botatzea ez dute ikusten, "alboko eraikinetan eragin daitezkeen kalteengatik". Baina arriskutsuak gerta daitezkeen elementu guztiak kenduko dituztela azaldu du San Nicolasek, "egitura bere tokian utziz irtenbide definitiboa erabaki arte".
Eraberritze egitasmoa
Ehun urte baino gehiago dituen aipatutako etxea dagoen zonaldean, eraberritze egitasmoa gauzatzea aurrikusten du Udalak, "zaharkitutako eraikinak behera botaz". Izan ere, "bertan bizitzeko desegokiak" direla uste dute udal arduradunek. Bere lekuan, gizarte izaerako 40 etxebizitza egitea ikusten dute -bide batez, sutearen ondorioz kalean geratutako lagunak hartzeko- eta sustapen pribatuko beste hainbat.
Gaiaren inguruko berriak:
Lau dira sutearen ondorioz etxez aldatu behar izan dituzten familiak (2004 Aza 25)
Hainbat auzotar etxez aldatu behar izan dituzte sute baten ondorioz (2004 Aza 24)
Erandioko Udalak "zaila" ikusten du erretako etxeko bizilagunak bertara itzuli ahal izatea
Joan den asteartean, Erandioko Pagoeta kaleko 5. zenbakian izandako sutearen ondorioz euren etxea utzi behar izan zuten lau familietako kideak bertara bueltatu ahal izatea "oso zaila" ikusten dute udal arduradunek. Asier San Nicolas Hirigintza zinegotziak adierazitakoaren arabera, "larriki kaltetuak aurkitzen dira egituraren hainbat elementu, teilatua, hurrenez hurren". Hala ere, teknikarien behin betiko txostenaren zain daudela aipatu du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun