Besteak beste, euskaraz argitaratutako produktu berrienak eta haien inguruko informazioa (argitaletxea, prezioa... ) batzen duen katalogoaren 15.000 bat ale banatuko dira Getxon, 0tik 18 urtera bitarteko haur eta gazteen etxeetan. Horretaz gain, aurkezpen eskutitza eta gutunazal bat ere prestatu ditu Udalak. Coriaren hitzetan, "Gabonekin batera, oso zaila egiten da oparitzeko euskarazko gauzak aurkitzea". Hori errazteko asmoz egin dute kanpaina.
Bertsio elektronikoa
Bizkaia osoan, berriz, 110.000 izango dira banatuko diren Euskarazko Produktuen Katalogoak, 62 udalerritan. Gainera, euskara zerbitzuen eskaerari erantzunez, aurten katalogoaren aplikazioa jarri du interneten Bizkaiko Foru Aldundiak. Bertan, paperezko bertsioaren atal guztiak bisitatzeko (musika, informatika, filmak, liburuak, aldizkariak eta jostailuaketa kokoak) aukera egoteaz gain, bilatzailea eta iradokizunak eta iritzia helarazteko buzoia ere badago. Interneten ikusteko:
http://www.bizkaia.net/Kultura/Euskara/produktuenkatalogoa/eu_index.asp (Getxoko Udalaren webgunean ere lotura jarriko dute)
Gabonetan, euskaraz ere zer oparitu badago
2004ko abe. 1a, 20:56
Igaz Getxo, Berango, Erandio eta Leioa baino izan ez baziren, aurten Uribe Kostako udalerri guztiek heldu diote "Oparitu euskaraz" kanpainari. Hain zuzen ere, udal getxoztarreko Elena Coria zinegotzia izan da aipaturiko herrian ekimena aurkezteko arduraduna. Berak azaldu duenez, Euskara Biziberritzeko Plan Nagusian (EBPN) jasotzen den euskararen erabilera eta kalitatea sustatzeko helburuarekin bat dator "Oparitu euskaraz".Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun