Argi-haria 28 arbolatan, 5 palmondotan eta 6 zutabetan jarri da; baita Getxoko 18 armarri eta tamaina ezberdineko argizko gabon mezuak eta bi jaiotza ere (txiki bat Kirol Portuko jaitsieran eta handi bat Hormazako estartako biribilgunean).
Getxoko Udalak 90.000 euroko inbertsioa egin du, iaz egindako antzeko diru kopuruari gehitu behar zaizkionak. Jose Manuel Etxebarria alkateordeak aipatu duenez "apurka-apurka era honetako ezaugarriak dituzten apaingarriak erosteko asmoa dugu, hurrengo urteetarako gordetzeko, Getxok udalerri bezala duen garrantziaren pareko argiztapena eduki dezan. Argiztatzeko zaila den udalerria da -lurralde-zabalera luzea baitu- baina hauekin, eta etorkizuneko inbertsioekin, gabonetako argi-apaingarri sorta potoloa erdietsiko dugu".
Getxoko Udalak 4.500 metro argi-hari erabili du udalerriko sarrera eta irteerak eta leku esanguratzuenak apaintzeko. Eguberriaren atarian gaudela, udalerria apaintzeko jarri diren argiak piztu dituzte udal agintariek gaur arratsaldeko zazpi t'erdietan Algortako Gainza enparantzan. Uribe Kostako korredoretik Euskal Herria kaleak duen sarreran, Benantzioseko gurutzebidetik dagoen Berangoko sarreran, Kirol Portura sartzeko triangeluan, Bizkaiko Zubian, Artazako biribilgunean, San Nikolas plazako kioskoan, Kasinoko pergolan, Benta eta Santa Anako baselizetan eta Algortako Villamonteko Kultur Aretoan, besteak beste, ipini dituzte argi-apaingarriak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun